С.СЕРЕГИН

25 Çурла, 2015

Чи маттурри паллă

Атăл леш енче «Йывăçа чи ăста тÿнтерекен» республика конкурсĕ иртнĕ. Унта Канаш, Шăмăршă, Çĕмĕрле, Шупашкар вăрманлăхĕсен 11 вăрман касаканĕ хутшăннă. Пĕрремĕш тапхăрта йывăçа палăртса хунă енне ÿкерессипе, иккĕмĕшĕнче пăчăкăна улăштарассипе, раскряжовка тăвассипе, туратсене иртессипе ăмăртнă. Пĕрремĕш вырăна Шупашкарти «Стройавтохозяйство» общество спортсменĕ А.Шашков, иккĕмĕшне çав предприятири С.Субботин, «Лесной двор» общество ăсти А.Епифанов, иртнĕ çулсенче темиçе хутчен те Чăваш Ен чемпионĕ пулнăскер, виççĕмĕш вырăна тухнă.

Ял хуçалăхĕ
18 Çурла, 2015

Тĕп хулара тепĕр цех уçăлчĕ

Августăн 14-мĕшĕнче Шупашкарти Машинăсем тăвакансен урамĕнче автоматизаци рынокĕ валли продукци ăсласа-туса кăларакан "Каскад-ГРУП" наука-производство пĕрлешĕвĕн уявĕ иртрĕ.

Кунта обществăн администраци-производство корпусне уçрĕç. Пухăннисене республика Пуçлăхĕн тивĕçĕсене вăхăтлăх пурнăçлакан Михаил Игнатьев саламларĕ, çĕнĕ çуртра пысăкрах çитĕнÿ тума вăй-хал, ăсталăх сунчĕ.

Предприятире 33 çын вăй хурать. Цехра тухăçлă ĕçлеме мĕн кирли пурте пур. Халĕ те совет тапхăрĕнче тунă заводра тăрăшакансем ку корпусра вăй хуракансене ăмсанаççĕ çеç.

Хула
28 Утă, 2015

Ялхуçалăх халĕ ĕçлĕ çынсене ытларах илĕртет

ЧР Пуçлăхĕн тивĕçĕсене вăхăтлăх пурнăçлакан Михаил Игнатьев июлĕн 25-мĕшĕнче Çĕрпÿ тата Канаш районĕсенче вырма еплерех пынипе паллашнă.

Михаил Васильевич Вăрманкас Чурачăк ялĕнче Андрей Хорошавин хресчен-фермер хуçалăхĕнче пулчĕ.

Хыпар
Ял хуçалăхĕ
вырма
14 Утă, 2015

Урамсенчи çулсене юсаççĕ

ЧР Пуçлăхĕн тивĕçĕсене вăхăтлăх пурнăçлакан Михаил Игнатьев Патшалăх Канашне янă Çырура республикăри ялсенчи урам хушшинчи çулсене юсассине пуçлама тĕллев лартрĕ. Вăл еплерех пурнăçланать-ха?

Тăвай районĕнчи А.Н.Макаров фермер хуçалăхĕ çуркунне Тăрмăш ялĕнчи К.Маркс урамне шурчул 250 метр сарнă. «Ÿлĕм çак сыпăкра пылчăк çăрăлмасть, - савăнаççĕ çынсем. - Анчах ытти çĕре çăмăл машинăпа пырса кĕрейместĕн». Кашни урама харăсах сарма ик-виç çул хушшинчех укçа çитереймеççĕ. Ĕç пĕчĕккĕн пырать. Урамсем 16880 метр тăсăлаççĕ. Çав шутран 300 метрне хытарнă.

Ял хуçалăхĕ
14 Утă, 2015

Полигон сентябрĕн пĕрремĕшĕ тĕлне ĕçлеме тытăнĕ

Çĕнĕ Шупашкарти йăлари хытă каяш /ЙХК/ полигонĕн объектĕнче канашлу иртнĕ. Михаил Игнатьев муниципалитетсен хушшинче ăпăр-тапăрпа производствăра усă курас тата ăна утилизацилес /çĕр айне тирпейлĕн чиксе пырас/ ĕçе йĕркелессишĕн тунă концесси килĕшĕвне еплерех пурнăçланине хак панă.

Хыпар
Хула
Йăлари хытă каяш

Pages