Нина ЛЕВАЯ

Кăçалхи июнь уйăхĕн вĕçĕнче К.В.Иванов çĕршывне çитсе килтĕмĕр. Пушкăрт Республикинчи Слакпуçĕнче пуласси тахçанхи ĕмĕтчĕ-ха, ĕмĕте пурнăçлама ниепле те май çитерейменччĕ. Мухтавлă поэтăмăр К.Иванов çÿренĕ урамсемпе, сукмаксемпе утса курас, вăл сывланă сывлăшпа сывлас, вăл курнă-пĕлнĕ тавралăха куçпа ыталас ĕмĕт тахçанах илĕртетчĕ... Кăçал çапла тĕллев лартрăмăр: чăваш чĕлхипе литературине вĕрентекенĕн Константин Ивановпа Ухсай Яккăвĕн çĕршывне çитсе курмаллах.