Николай КОНОВАЛОВ. Сергей ЖУРАВЛЕВ сăн ÿкерчĕкĕсем.

Моряк тумне тăхăннă каччăсемпе хĕрсем салтакла çирĕп утăмпа стройпа иртеççĕ — маттурсене пăхса ытармалла мар... Çапла, кунта хĕрачасем те пур. Пĕтĕмпе вара Шупашкарти К.Иванов урамĕнче вырнаçнă кадетсен шкулĕнче паян 225 ача пĕлÿ илет, çар хатĕрленĕвĕн вăрттăнлăхĕсене ăса хывать. 5-мĕш класран пуçласа йышăнаççĕ. "Кĕçĕн" 5-мĕш класа кăçал 30 ачана йышăннă.