Кашнин чĕринче йĕр хăвартăр уяв

Тăван çĕршывăн 1941-1945 çулсенчи Аслă вăрçинче çĕнтернĕренпе 70 çул çитнине хатĕрленсе уявлас тĕлĕшпе ĕçлекен йĕркелÿ комитечĕн ларăвĕ иртрĕ.

Чи малтан Çĕнтерÿ 70 çул тултарнине уявлас умĕн экстремистла тата террорла ĕçсем пуласран ведомствăсен хушшинчи çыхăнăва йĕркелес ыйтăва пăхса тухрĕç. Çавна май ют çĕршывран вĕренме килнĕ студентсемпе профилактика ĕçĕсем ирттерме тытăннă та ĕнтĕ. Çĕнтерÿ уявĕ умĕн хулари паллăрах вырăнсене видеосăнав вырнаçтарĕç.