Иван АНТОНОВ

13 Пуш, 2018

Ыран мĕн пулассине паян вуласа пĕлеймĕн

Валера Иванов Вăрнар районĕнчи Кĕçĕн Кипек ялĕнче çуралса ÿснĕ. Йышлă çемьери саккăрмĕш ача вăл.
Унăн пурнăçĕ çăмăл пулнă теме çук. Амăшĕ аллă çултан каçсанах çĕре кĕнĕ. Çемье туслă пулни йывăрлăхсене çĕнтерме пулăшса пынă вĕсене. Ашшĕ те, аслисем те кĕçĕннисене ура çине тăратассишĕн тăрăшнă. Тăхăр ача тĕрĕс-тĕкел çитĕннĕ.