И.СИДОРОВ

РФ Патшалăх Думин тата Чăваш Ен Патшалăх Канашĕн депутачĕсен кандидачĕсене тăратас процесс вĕçленнĕ. Халăх шухăшне тĕпчекен фондсемпе центрсем ыйтăмсем ирттерсе вĕсене пĕтĕмлетнĕ. Унта тĕлĕнтермĕшсем те çиеле тухнă.

Патшалăх Канашне регистрациленме сакăр парти хăйĕн докуменчĕсене панă: «Единая Россия», РЛДП, РФКП, «Справедливая Россия», «Яблоко», Раççей пенсионерсен тĕрĕслĕхшĕн тăракан партийĕ, «Патриоты России», «Гражданская платформа». Партисем «йывăрăшĕпе» те, ят-сумĕпе те тĕрлĕрен.