Елена АНАНЬЕВА.

В.П.Воробьев ячĕллĕ 2-мĕш музыка шкулĕнче сĕрме купăс класĕнче вĕренекен Полина Маркова 2018 çулта Чăваш Республикин Пуçлăхĕн ятарлă стипендине илме тивĕçнĕ.

Хĕр ачан вĕрентекенĕ — Раççейĕн культурăн тава тивĕçлĕ ĕçченĕ Наталья Серегина. Полина çĕршыври тĕрлĕ хулари конкурссене хутшăнать.

Чи пĕлтерĕшли уншăн — классика юрри-кĕввине калăплакансен конкурсĕнче çĕнтерсе Юрий Башмет ертсе пыракан Пĕтĕм Раççейри çамрăксен оркестрĕн йышне кĕни.