Чăваш Республикин медицинăри ятарлă страховани территори фончĕн специалисчĕ.

Чăваш Республикин медицинăри ятарлă страховани территори фончĕ регион çыннисене ОМС полисĕпе çыхăннă ултавçăсен çĕнĕ схеми пирки хыпарлать. Вĕсем мĕнле «ĕçлени», шăнкăравласан мĕн тумалли пирки каласа кăтартăпăр.

Юлашки вăхăтра страхланнă çынсем патне ултавçăсем шăнкăравлани паллă. Хăйсемпе территори фончĕн ОМС е медицина организацийĕн ĕçченĕ, департамент е сывлăх сыхлавĕн министерствин специалисчĕ тесе паллаштараканскерсем ОМС полисне улăштармалли пирки калаççĕ.