Архивçăсем - çыравçăсем çинчен

Çĕршывра Литература çулталăкне, Чăваш Енре К.В.Иванов çулталăкне паллă туни мĕнпе асра юлĕ-ха? Мероприятисем ирттерни питĕ аван, анчах вĕсем вăхăт иртнĕçемĕн асран тухма пултараççĕ. ЧР Патшалăх электрон тата кинодокументаци архивĕн ĕçченĕсем пурнăçа кĕртекен проект - «Чăваш Ен литераторĕсем - пирĕн вăхăт çыннисем» мультимедиа кăларăм - историпе культура, литература еткерлĕхне яланлăхах упраса хăварма май парĕ.

Электрон кăларăма архив фондĕнчи документсенчен, республикăри писательсемпе поэтсен хăйсен коллекцийĕнчи сăнÿкерчĕксенчен, асаилÿсенчен, интервьюсенчен хатĕрлеме палăртнă.

Хальхи вăхăтра архивçăсем материалсем пухас енĕпе ĕçлеççĕ.

Н.ГЕОРГИЕВА.