Аннесен ячĕпе - курав

Анне юратăвĕ çынна ватăличченех ăшăтать. Хĕрарăмăн тĕп тивĕçĕ - ача çуратасси, çемье управçи пуласси, çывăхри çынсене çутă, ăшă парнелесси. Çĕр çинче йăлтах амăшĕн юратăвĕнчен, унăн çепĕçлĕхĕнчен пуçланать.

Комсомольски салинчи «Çĕр тата çынсем» халăх музейĕ Раççейри Анне кунне ?ноябрĕн 30-мĕшĕнче уявлаççĕ% халалласа «Пирĕн аннесен ăста аллисем» куçса çÿрекен курав йĕркеленĕ. Экспозицире - Хырай Ĕнелти Т.Ишмуратовăн, Аслă Чурачăкри И.Макаровăн, Комсомольски салинчи Е.Жуковăн, Тăманлă Выçлири З.Димитриевăн ĕçĕсем. Алĕçсене вырнаçтарнă маршрут таксийĕ Комсомольскинчен район больницине, Киров поселокне, Аслă Чурачăка, Тăманлă Выçлине çÿрет. Кăмăл тăвакансем выставкăпа «Газель» автомобильте паллашма пултарĕç. Вăл ноябрĕн 30-мĕшĕччен çул çÿревре пулĕ.

А.ГРОМОВА.