Архив - Сен 2018 - Тантăш

сентября 27th

Шупашкарти 41-мĕш шкулта 10-мĕш класра вĕренекен Софья Павлова — республика Пуçлăхĕн стипендиачĕ. Вăл уйăхсерен тивĕçекен укçана пухса пырса гитара туяннă. «Çак музыка инструменчĕпе выляма питĕ юрататăп», — чунне уçрĕ Софья. Гитара калас ăсталăха епле туптанă-ши вăл?

Патăрьел районĕнчи Турхан шкулĕнче 180 вĕренекен ăс пухать. Вунă ял ачи çÿрет кунта: Упамса, Шăхач, Кĕçĕн Чемен, Çĕньял, Хурама Тăвар, Анат Тăрмăш, Çăл Атăк, Тури Тăрмăш, Турхан тата Шăмăршă районĕнчи Кучек ялĕнчен. Кÿршĕ ялсенчен автобуссем турттараççĕ. Шкул пурнăçĕ нихăçан та тунсăхлă мар.

сентября 20th

Хăш-пĕр шкул ачине итлетĕп те шухăша путатăп. Предметсене юратса ăса хывнисĕр пуçне шкул пурнăçĕпе кăсăкланаççĕ вĕсем. Тавра курăмне аталантарма тĕрлĕ мероприятие хутшăнма ăнтăлаççĕ. Ку çеç-и?

Авăн уйăхĕн 23-мĕшĕнче 10 сехет те 20 минутра пĕчĕккисем валли Рената Волкова хатĕрлекен «Шăпăрлан» кăларăм Чăваш наци радиовĕн хумĕсем çине тухать. Хальхинче унта «Хыпар» издательство çурчĕн «Тетте» журналăн авăн уйăхĕнчи кăларăмĕ çинчен пĕлме пулĕ. Мĕнпе тĕлĕнтерĕ-ши кĕрхи «Тетте»? Кун пирки Валентина Федорова корреспондент пĕлтерĕ.

Тусăмăрсем, зал тулли халăх пуçтаракан, илемлĕ юррисемпе куракана чун апачĕ парнелекен эстрада çăлтăрĕн ачалăхĕпе паллашас кăмăл пур-и? Иккĕленместĕп, Алексей МОСКОВСКИН концерчĕсенче выртакан пуленке те хускалать пуль.

Шупашкарти уйрăм предметсене тарăннăн вĕрентекен 31-мĕш шкулта 11-мĕш класра вĕренекен Андрей Баранов хăй умне çирĕп тĕллев лартнă. Вăл тухтăр пуласшăн.

Страницы