Архив - Янв 2018 - Тантăш

* Хура пиçиххине тивĕçнĕ

* Сĕрме купăс ăсти

Вăрмар районĕнчи Шăхаль — пысăк ялсенчен пĕри. Çавăнпах пулĕ кунтан сахал мар пултаруллă спортсмен тухнă.

В.П.Воробьев ячĕллĕ 2-мĕш музыка шкулĕнче сĕрме купăс класĕнче вĕренекен Полина Маркова 2018 çулта Чăваш Республикин Пуçлăхĕн ятарлă стипендине илме тивĕçнĕ.

Хĕр ачан вĕрентекенĕ — Раççейĕн культурăн тава тивĕçлĕ ĕçченĕ Наталья Серегина. Полина çĕршыври тĕрлĕ хулари конкурссене хутшăнать.

Чи пĕлтерĕшли уншăн — классика юрри-кĕввине калăплакансен конкурсĕнче çĕнтерсе Юрий Башмет ертсе пыракан Пĕтĕм Раççейри çамрăксен оркестрĕн йышне кĕни.

Кăрлачăн 23-мĕшĕнче 204-мĕш ача садĕнче «Журналистика — пĕчĕккисем валли» ăс-хакăл вăййи иртрĕ. Квиза воспитательсем, ачасемпе ашшĕ-амăшĕ хутшăнчĕç. Викторинăна Шупашкар хула администрацийĕн Вĕрентÿ управленийĕн «Профессисен энциклопедийĕ: «А» сас паллирен пуçласа «Я» таран» проекчĕпе йĕркеленĕ. Шкул çулне çитменнисене профессисемпе паллаштарас тĕллевпе ача сачĕн ĕçченĕсем чылай тăрăшни куç кĕретех.

Иртнĕ эрнере манăн хам çуралнă яла çитсе килме май пулчĕ. Урампа пынă чухне кĕçĕн çулхи ачасен пĕр ушкăнне куртăм. Вĕсем пĕр пиллĕкĕн-улттăн, çулĕсемпе пĕрремĕш-виççĕмĕш классенче вĕренекенсем пек курăнчĕç. Шавлăн калаçса хаваслăн кулса тем хĕвĕшетчĕç, сиккелесе-чупкаласа пĕр-пĕрин тавра çаврăнатчĕç. Ачасен ушкăнĕ патне çывхарса пынă май вĕсем вырăсла калаçнине илтрĕм. Эпĕ вĕсем хуларан килнĕскерсем пуль тесе шухăшларăм. Патнерех çитсен:

— Салам! Эсир ăçтан килнĕ ачасем пултăр-ха? — тесе сăмах хушрăм.

Çулталăк пуçламăшĕнче Раççейре, Чăваш Енре спортпа сывлăх вунă кунлăхĕ иртрĕ. Çак вăхăтра чылай тăрăхра тĕрлĕ мероприяти иртрĕ.

* «Кашни предмет кăсăклă»

* «Нихăçан та парăнмалла мар»

Софья Пушкина 12 çулта. «Пиллĕк» паллăпа вĕренет. 6-мĕш класра пĕлÿ пухакан чиперук шкулти кашни предметах мĕнпе те пулин кăсăклă тесе шухăшлать: «Математикăра задачăсене тĕрлĕ майпа шутлама май пур, çавăнпа та кунсерен çĕнĕ меслетсем шыратăп.

«Мĕнле ача пултăн эс? Ларма-тăма пĕлместĕн», — ялан тертленнĕ унпа амăшĕ. Кĕçĕнни — чи ачашши — аслисене хăйне итлеттернĕ. Шкула кайсан класри арçын ачасене туххăмрах шăплантарнă шухă хĕр ача паян пирĕн тĕпелĕн хăни.

Халĕ пурăнакансене сăнанă май эпĕ паянхи кун пурлăха чун пуянлăхĕнчен маларах хунине асăрхарăм. Çавăнпа çамрăксем ырăлăх, юмартлăх, тĕрĕслĕх, патриотлăх, гражданлăх çинчен шухăшласах каймаççĕ. Хамăрăн культурăна, йăла-йĕркене пĕлменнипе анăçалла пăхма пуçларăмăр. Шухăшлатăп та, манăн ăру харпăрлăх аталанăвĕн тĕп сăлтавне — чун воспитанине — çухатнă. Ку — хамăрăн йăла-йĕркене пĕлни, ăна пăхăнса пурăнни тата малалла тăсни. Пирĕн ăс-хакăл культурине тата мĕн ырă витĕм кÿрет-ха? Тен, таврари сасă? Мĕн илтетпĕр эпир паян?