Архив - 2018 - Çамрăксен хаçачĕ

Çу уйăхĕн 22-мĕшĕнче Раççей банкĕ пуçласа полимерлă 100 тенкĕ хут укçа кăларнă. Кăçалхи Пĕтĕм тĕнчери футбол чемпионатне халалланăскерĕн тиражĕ — 20 миллион экземпляр.

Вăл укçасăрах тĕнче касса çÿрет. Уншăн шиклĕх туйăмĕ çук. Тата вăл çакна аван пĕлет — çĕр çинче ырă çын нумай. Пĕлтĕр чÿк уйăхĕн 2-мĕшĕнче автостоп мелĕпе пысăк çул çÿреве тухса кайнă 28-ти Денис Башмаков нумаях пулмасть тăван тăрăхне, Муркаш районĕнчи Сыпайне, таврăнчĕ.

Çимĕк çывхарать. Çав кун тăвансен вил тăпри çине çитеççĕ, асăнса ĕçеççĕ, çиеççĕ. Масара каяйманнисен мĕн тумалла? Килте асăнма юрать-ши? Тата çак вăхăтра çурт таврашне, алăксене симĕс туратпа илемлетеççĕ. Çакăн сăлтавне пĕлес килет. Ку йăла мĕнпе çыхăннă?

Вĕсем — волонтерсем мар, çапах ырă ĕç пайтах тăваççĕ. Тăван ял сăн-сăпатне хăтлăлатакансем, илем кÿме тăрăшакансем, çул-йĕр юсакансем кашни саларах пур. Пуçаруллăскерсене пархатарлă ĕçре ентешĕсем, çамрăксем пулăшаççĕ. Яла çĕнетес, улăштарас тĕлĕшпе укçа-тенке, вăхăта, вăй-хала шеллемеççĕ.

Çамрăксене хĕрхеннипе спортзал уçнă

  * Вăрмана шашлăка кайма юрамасть

  * Мускава ĕçлеме кайман, сакайĕнче выртнă 

Салам, редакци! Эсир пулăшнипе пĕр ыйту уçăмлатасшăн. Иртнĕ эрнере Атăл леш енне, Астраханка хĕррине, çемьепе канма каяс терĕм. Çул çинче вăрмана кĕме чаракан плакатсене асăрхамарăмăр. Вырăна çитрĕмĕр. Пĕр теçетке çăмăл автомашина тăратчĕ. Кăвайт чĕртрĕмĕр, шашлăк ăшалама хатĕрлентĕмĕр.

2017 çулхи çурла уйăхĕн 22-мĕшĕнче Йĕпреç районĕнчи Пăкăянта хăрушă ĕç-пуç пулса иртнĕ. Следстви тишкернĕ, суд çирĕплетнĕ тăрăх, Валерий Архипов юлташне Анатолий Никитина çĕçĕпе чиксе вĕлернĕ. Анчах ял халăхĕ кун пирки пĕр уйăхран тин пĕлнĕ, мĕншĕн тесен Валера вилене хăйĕн килĕнчи тĕп сакайне чавса чикнĕ.

Чăваш Енрен аякра çуралса ÿснĕ пулсан та шăпа ăна тăван халăхăмăршăн, унăн культуришĕн ĕçлеме пилленĕ. ЧР композиторсен ассоциацийĕн членĕ Родион ДОЛГОВ: «Шупашкара мана ăнсăртлăх илсе çитерчĕ», — тет. Пĕлетпĕр ĕнтĕ, нимĕнле ăнсăртлăх та ăнсăртран мар. Республикăри культура училищинче баян вăрттăнлăхне алла илме пулăшакан педагогпа, вокал ушкăнĕсен ертÿçипе çывăхрах паллашас тесе унăн ĕç вырăнне çитрĕм.

Герман Лебедев чĕннипе

Муркаш районĕнчи Купăрля ялĕ çулсеренех хăнасене çывăх тăвана кĕтсе илнĕ пек йышăнать. Паллă ăсчаха, историке, тĕпчевçе Николай Никольские сума суса кăçал та çу уйăхĕн 19-мĕшĕнче халăх палăк умне пуçтарăнĕ, пуç тайса чечексем хурĕ. Купăрляна пырса кĕме те питĕ кăмăллă. Ял варринче — кÿлĕ, Никольский ячĕллĕ парк… Çыннисем ентешĕпе мăнаçланнине илтме пĕрре мар тÿр килнĕччĕ.

Çемье

Хаклă редакци! Йĕпреç районĕнчи Çĕнĕ Выçли ялĕнчен çыратăп. <...> Ку çырăва çырма пире инкек хистерĕ-ха. Ăна вара манăн арăм çынна питĕ шаннипе, айванлăхне пула, хăйĕн валли хăй тупрĕ.