Архив - Хресчен сасси

Çак çемьене пĕр-пĕринпе юрă туслаштарнă. Ашшĕпе амăшĕ Евгения Васильевнăпа Николай Васильевич Абрамовсем юрра-ташша ăста пулнă. Иккĕшĕ те купăс каланă. Вĕсене ял çынни пĕр туйран та хăварман. Хисеплесе туй пуçĕсем, хăйматлăхсем тунă. Ашшĕ-амăшне кура ачисем те юрăпа, купăс сассипе çитĕннĕ. Çавăнпа паян вĕсемсĕр пурăнаймаççĕ. Пĕр ушкăна чăмăртанса «Кăмăл» ансамбль йĕркеленĕ Абрамовсем, Кудряшовсем, Ивановсем...

Ватти те, вĕтти те

Çырла - тутлă та усăллă. Çырла вăхăтĕнче унпа усă курса юлмалла. Çу вăхăтĕнче 10 кило çырла çисе юлсан хĕлле чирлеместĕн теççĕ. Юн пусăмĕ ÿснипе аптракансен çакна уйрăмах шута илмелле.

Кăçал пенсие тухрăм. Эпир, иртнĕ ĕмĕрĕн çурринче тата ун хыççăн çуралнисем, ял хуçалăхĕнче ырми-канми ĕçленĕ. Хам ас тăвасса ултă çултах тырă вырма çÿренĕ, утă тавăрнă, çум çумланă, вăй çитнĕ таран ытти ĕçсене тунă. Пиллĕкмĕш класс пĕтерсен лаша пăхма тытăннă. Пирĕн тăрăхра çулла лашасене ачасене валеçсе паратчĕç. Кама - виççĕ, кама тăватă-пилĕк лаша лекетчĕ. Каçхине - выртмара, кăнтăрла - ытти ĕçре.

Пĕччен сысна çури начар ÿсет, иккĕн лайăх çитĕнеççĕ. Апат валашкине варринчен тĕпне çитмелле мар пÿлмелле, кунашкал вĕсен пĕр-пĕрин апачĕшĕн çапăçмалла пулмĕ.

"Фермер мар, чăвашла каласан хресчен Сантăрĕ пулатăп эпĕ. Япалана хăйĕн ячĕпе каламалла. Фермерсем вĕсем Германире, Америкăра, Голландире...", - çийĕнчех тÿрлетрĕ мана уйĕ-уйĕпе купăста лартакан Александр Васильевич Артемьев.

Иван Васильевич Бурмистров «Красный партизан» хуçалăхра 46 çул ĕçлет. Çак шутран 43 çул - тĕп бухгалтерта. «Шут шăрçипе шутласах кун-çула ирттертĕм, - тет вăл. - Калькулятора та тинтерех çеç алла илнĕ. Компьютер патне вара алă пымасть».

Иртнĕ çул Етĕрнесем кашни гектартан 22 центнер тĕш тырă пухса кĕртсе

Етĕрне районĕнчи Пупăлькассинче ял уявĕ иртрĕ