Архив - Фев 2019 - Чăваш хĕрарăмĕ

Ут хатĕрĕ туянмашкăн Мускаври курава та çитнĕ вăл. Виçĕ ут кÿлмелли япаласене Томскран çырăнса илнĕ. Хакĕ кăсăклантарать-и? Чун киленĕçĕшĕн укçа пĕлтерĕшлĕ-и вара?

* «Пирĕн чун Афганистанрах юлнă…»

* Микрофон умĕнче — театр…

Нумай япала, пулăм çинче никĕсленет çын пурнăçĕ. «Хырăм тутă, çи-пуç питĕ — урăх мĕн кирлĕ?» — текен каларăш пур чăвашăн. Анчах та лайăх шухăшласа пăхсассăн — кирлĕ-мĕн. Чун тени канăç памасть кун пек чухне. Тĕлĕнмелле, куçа та курăнмасть вăл, тытса пăхма та çук ăна, анчах та çав вăхăтрах тунсăхлать, макăрать, савăнать, кулать… «Хырăм выçă чухне чун пирки шухăшлама-и?» — тесшĕн-и? Анчах вăл пире кĕтсе лармасть, хăйĕн пирки аса илтерсех тăрать. Чунра лайăх пулсан кăна хамăра тулли телейлĕ туймастпăр-и вара эпир?

РФ Президенчĕн Атăлçи округĕнчи полномочиллĕ представителĕ Игорь Комаров Чулхулара «Раççей телекурав тата радиохыпарлав сечĕ» предприятин генеральнăй директорĕпе Андрей Романченкăпа тĕл пулса округра телекурава цифра çине куçарассине сÿтсе явнă.
Чăваш Енре аналог телекуравне ака уйăхĕн 15-мĕшĕнче чараççĕ. Пирĕн республикăра цифра эфирĕн 42 объектне туса лартнă. Çавăнпах ялсенче абонент тÿлевĕсĕр 20 канал пăхма май пулĕ.

Чăваш халăх артисчĕ Вячеслав Александров куракансене юбилей каçне пуçтарчĕ. Канаш районĕнчи Энтрияль каччин пултарулăх çулĕ Чăваш патшалăх пукане театрĕнчен пуçланнă. Çартан таврăнсан К.Иванов ячĕллĕ Чăваш патшалăх драма театрне вырнаçнă вăл.

Пурнăçра кашни йăнăшшăн явап тытма тивет çав. Эпĕ те çамрăк чухнехи çылăхăмсенчен тасалса пĕтейместĕп курăнать. Çавăнпах халĕ те анне пулаймастăп та… Ытла та айван пулнă-çке. Шел, кая юлса ăнлантăм çакна. Чăн телей хакне хĕр чухне пачах чухламан...

Раççей Президенчĕ Владимир Путин 2012 çулхи утă уйăхĕн 28-мĕшĕнче алă пуснă хушупа килĕшÿллĕн Шупашкара йĕркеленĕренпе 2019 çулта 550 çул, 2020 çулта Чăваш автономи облаçне туса хунăранпа пĕр ĕмĕр çитнине уявлăпăр.
Çавна май уявсене хатĕрленсе ирттерсе ярас тĕлĕшпе ĕçлекен йĕркелÿ комитечĕ туса хунă. Унăн председателĕ — Раççей культура министрĕ Владимир Мединский.

Салтак тумĕ яша та, пиçĕхнĕ арçынна та илем кÿрет. Эх, мĕн тери чипер вĕсем, ятарлă çи-пуç тăхăннисем! Тăван çĕршывăн чăн хÿтĕлевçисен çапла пулмалла та.
Патвар та хăюллăскерсене кам юратмĕ? Мĕнле куç савăнса сăнамĕ? Маттур ывăлĕсемпе амăшĕсем те мăнаçланаççĕ, хăватлă мăшăрĕсемпе арăмĕсем те савăнаççĕ паллах.

Шупашкар урамĕсенче уçăлса çÿренĕ май кама мĕн кăчăк туртать, киленÿ кÿрет? Иккĕленместĕп: ыйтăва хуравланă май чылайăшĕ çĕр-çĕр хунар çутиллĕ Атăл кÿлмекне асăнĕ.