Архив - 2017 - Хыпар

Кăрлачăн 13-мĕшĕ тата виççĕмĕш вырсарникунĕ — Раççей тата Чăваш пичечĕн кунĕсем. Хаçат-журнала, кĕнеке-пособие, типографин ытти продукцине кун çути паракансем, журналистсем, редакторсем вĕсене кăрлачăн 14-мĕшĕнче Чăваш патшалăх филармонийĕн залĕнче паллă тăваççĕ. Професси уявĕ умĕн хаçат-журнал редакцийĕсем валли кадрсем вĕрентсе хатĕрлес ĕçе 30 çул ытла хастар хутшăнакан Анатолий Порфирьевич ДАНИЛОВ — И.Н.Ульянов ячĕллĕ Чăваш патшалăх университечĕн вырăс тата чăваш филологийĕпе журналистика факультечĕн журналистика кафедрин ертÿçи, ЧПУ пресс-службипе информаци пайĕн пуçлăхĕ — пичет отраслĕн хальхи вăхăтри лару-тăрăвĕпе тата пуласлăхĕпе çыхăннă ыйтусене хуравларĕ. Малалла вулас...

— Николайч! — терĕ Исаак Пантелеймонович Кириллов, «Пионер сасси» хаçатăн тĕп редакторĕ, — /тăпри çăмăл пултăр, нумаях пулмасть çут тĕнчерен уйрăлчĕ/ — Вăрмар районне кайса кил-ха. Материалсем çав тери сахал унтан. Пĕчĕк вулакана тивĕçтерекен тĕрленчĕксем аван çырăнаççĕ санăн.

Энтриялĕнче пĕр çулсенче вĕреннĕ юлташ пуррине кура малтан унта çул тытрăм.

«Астăвăм» кĕнекен 2-мĕш томне тишкеретĕп: 1941-1945 çулсенче Тăван çĕршыва хÿтĕлеме Вăрмар районĕнчен 6890 çын тухса кайнă, вĕсенчен 4131-шĕ каялла килеймен. Кĕнекери хушаматсемпе ятсене пăхса тухсан мĕн асăрхатăн-ха: çурри ытла — хыпарсăр çухалнисен шутĕнче. Акă эпĕ кăсăкланакан çын пирки çапла çырнă: «Иванов Гаврил Иванович, 1918 çулта çуралнă.

Лимон ÿстерсе пaхар-и?

Пирус туртма пaрахасчĕ

Хĕллехи садра

Лимон касăкĕ хушнă чей тутлăрах кăна мар, сиплĕ те иккенне пурте пĕлеççĕ. Туяннă лимонăн касăкне чейе чăмтарнă майăн тухнă вăррине чÿрече янаххи çинче ларакан чечек куршакне чиксе çитĕнтерекен те сахал мар пирĕн хушăра. Манăн килте те пĕр тĕп çитĕнет. Ачасем те мандарин, те апельсин вăррисене чиксе хунă та чечексемпе юнашар, 5-6 куршакра шăтса тухнăччĕ. Хăйсем асăрхиччен чылайăшне тăпăлтартăм. Пĕрне вара шеллерĕм, ачасемшĕнех хăварас килчĕ. Чечекне урăх çĕре куçартăм, пĕр çулталăкран лимон хунавне те пысăкрах куршака куçарса лартрăм, çитĕнет-ха, 4 çул иртрĕ.

Тапак туртассинчен хăтăлма мĕнле курăк е эмел пулăшать-ши? Туртнин сиенĕ çинчен çырсан та аванччĕ.

АГАФЬЯ.

Тăвай районĕ.

Чĕлĕм туртнин сиенĕ пирки туртакансем хăйсем те аван пĕлеççĕ, анчах пурпĕрех çак усал йăларан хăпаймаççĕ. Мĕншĕн?

Хĕлле пахчара мĕн тумалла, йĕри тавра шурă юр выртать тесе шухăшлакансем йăнăшаççĕ. Пысăк çăматă тăхăнса улмуççи-груша, чие-хурлăхан, ытти тĕмсем патне тухса пăхма сĕнетпĕр. Уяр çанталăкра çара туратсем йăлтах курăнаççĕ. Кĕсен-çурăк, мăк-лишайник, хăрăк-çĕрĕк самаях асăрхама пулать унта.

Вĕсене упрар, сăмахĕсенчен иртер мар!

Хаваслăхĕ - ĕçĕсенче

Ырă самантсем яланах асра!

Çапла... Аннепе атте пулсассăн пурăнма та çăмăл, кăмăллă. Вĕсен пулăшăвĕ пурнăçа çăмăллатать, вăй-хăват парнелет. Юратнă çыннăмăрсене халалласа кашни ача сочинени тăрăшса çырнă. Е тата писательсемпе поэтсем те мĕн чухлĕ сăвă-калав шăрçаламан-ши?

Интереслĕ те шухăшлă сăвăсем шăрçалать Настя Кузнецова. Унăн ĕçĕсене вуласан пĕр кулатăн, пĕр тĕлĕнетĕн. «Мĕн тери хаваслă та ăслă хĕрача пулĕ ку», — тейĕ вулакансенчен чылайăшĕ. Чăнах та, хаваслăхĕ унăн иксĕлми, хастарлăхĕ те тапсах тăрать. Çавăнпах пулĕ вăл пĕр-пĕр уяв ирттерме хатĕрленсен тÿрех сценари çырма пуçлать, яланах çĕнĕ шухăш палăртма тăрăшать.