Архив - 7 Июн, 2016 - Хыпар

Кăçалхи ака уйăхĕнче Чăваш Ен Пуçлăхĕ Михаил Игнатьев «Граждансен уйрăм категорине нумай хваттерлĕ çуртри пĕрлехи пурлăха тĕпрен юсама взнос тÿлес енĕпе социаллă пулăшу парасси çинчен» саккуна алă пуснă. Унпа килĕшÿллĕн 70 тата 80 çулсенчи ватăсем тăкакланнăшăн компенсацие тивĕçеççĕ.

Паян «Хыпар» вулаканĕсене паллаштаракан çынпа темиçе çул каяллах курнăçса калаçма ĕмĕтленнĕ. Вăл ял çыннисемшĕн пурнăçлакан ыркăмăллăх ĕçĕсем чăннипех вышкайсăр пысăк. Анчах та хăй пирки мухтаса каланине килĕштермест, çавăнпа пирĕн тĕлпулу çак вăхăта çити тăсăлса пычĕ.

Пурте правилăсене пăхăнсан кăна инкексенчен сыхланма май пур

ЧР ШĔМĕн Çулçÿрев хăрушсăрлăхĕн патшалăх инспекцийĕн управленийĕ юнкун йĕркеленĕ пресс-конференцие пилĕк уйăхри кăтартусене пĕтĕмлетме пухнă пулин те журналистсене, паллах, чи малтанах тĕп хула администрацийĕн пуçлăхĕн ывăлĕ тунă авари кăсăклантарчĕ. Управлени пуçлăхĕ Владимир Романов, унăн ĕçтешĕсем МИХсен представителĕсем кĕтнине тÿрре кăларчĕç — çав аварипе çыхăннă чылай саманта уçăмлатрĕç.

Кăçал Сăрпа Сĕве тăрăхĕнчи хÿтĕленÿ сооруженийĕсене тума пуçланăранпа 75 çул çитет. Вĕсене республикăн патшалăх истори архивĕн пай ертÿçин заместителĕ, истори ăслăлăхĕсен кандидачĕ Федор Николаевич КОЗЛОВ тĕпченĕ. Мĕнле тĕллевпе туни çинчен каласа пачĕ.

Çуллахи Микулана паллă тума Тутар Республикинчи Лайăш районне кĕрекен Никольски ялне пĕтĕм Раççей халăхĕ пуçтарăнать тейĕн. Кунта Пĕтĕм Раççейри "Каравон" фольклор фестивалĕ иртет.

Америкăри Пĕрлешÿллĕ Штатсене çитиех вĕçетĕп. Чăваш Ене юрататăп, Раççее шанатăп, хам вара Америка çинчен шухăшлатăп. Хумханатăп. Американсен чĕрине тыткăна илме пултарăп-и?

Шупашкар районĕнче ял спортсменĕсен ăмăртăвĕсем иртрĕç

Çак кунсенче çăмăл атлетика командисене Сочи çĕршыв чемпионатне пухрĕ. Яланхи пекех унта Раççейри чи паллă спортсменсем Сергей Шубенков, Анна Чичерова, Иван Ухов тата ыттисем вăй виçсе пысăк çитĕнÿсем тунă.

Турнирта Чăваш Ен спортсменĕсем те ăнăçлă ăмăртнă. Пĕлтĕр Шупашкарта иртнĕ Европа чемпионачĕн хастарĕ Анжелика Сидорова Сочире хăйне лайăх енчен кăтартнă. Спортăн тĕнче класлă мастерĕ шăчăпа 4,65 метр сиксе пĕрремĕш вырăн йышăннă.