Архив - 22 Янв, 2015 - Хыпар

Иртнĕ ĕмĕрте хĕллехи кунсенче йĕлтĕр-коньки çине тăракансем самаях йышлăччĕ. Юлашки çулсенче пушă вăхăта ытларах телевизор, компьютер умĕнче ирттеретпĕр-ши - уй-хирте йĕлтĕр йĕрĕ сайра курăнкалать.

Çумра чăн-чăн Хĕрарăм пулсан, чăн-чăн Арçыннăн мĕнле енĕсем мала тухаççĕQ Акă мĕн шутлаççĕ кун пирки интернет уçлăхĕнчи психологсем.

1. Чăн-чăн Хĕрарăм япшар, унăн калаçăвĕ сăпайлă та виçеллĕ пулмалла. Вара Арçын та ăна евĕрлет. Хĕрарăм хăй тÿрккес, янрашаканскер пулсан, Арçын тата та ирттересси каламасăрах паллă.

Ĕçленĕ вăхăтра тĕрĕс апатланма май килет пулсан, канмалли кунсенче е уявсенче хăнăхнă йĕркесене тытса пыма йывăртарах çав. Ытлашши килограмсем хушăнаççĕ. Кунта пире çăмăл апат кунĕсем пулăшма пултараççĕ.

Углевод кунĕсем

Панулмипе. 1 килограмм çурă панулмине 6 пая пайламалла, яра куна çисе ямалла /600 ккал/.

Çĕрулмипе. 1 килограмм çурă çĕрулмине пĕçермелле. Кунне 6 хут çĕрулми çеç çимелле /1125-1500 ккал/.

Пахча çимĕçпе. 1 килограмм çурă чĕрĕ пахча çимĕçрен /купăста, хăяр, по¬мидор, кишĕр, салат/ винегрет хатĕрлемелле, 6 порцине пайламалла /500 ккал/.

Вăрмар районĕнчи Кавал ялĕнчи библиотекăра макарон изделийĕсенчен ăсталанă кÿлепесен куравĕ куç тĕлне пулсан хуçипе паллашмасăр чăтаймарăм. 59 çулти Галина Смирнова пушă вăхăтра алă усса лармасть. Мăшăрĕпе Михаил Самуиловичпа выльăх-чĕрлĕх те нумай усраççĕ вĕсем. Çапах чун киленĕçĕпе аппаланма май тупать кил ăшшине упраканскер.

Чăваш Республикин Пуçлăхĕ Патшалăх Канашне янă Çыру

Республика парламенчĕн ĕнер иртнĕ 27-мĕш сессийĕнче Чăваш Ен Пуçлăхĕ Михаил Игнатьев Патшалăх Канашне тата Чăваш Ен халăхне янă Çырăвĕпе паллаштарчĕ.

Юрий ПОПОВ, ЧР Патшалăх Канашĕн Председателĕ: 2015 çул суйлав - республика Пуçлăхĕн, районсен депутачĕсен суйлавĕ¬сен - çулталăкĕ пулнине кура паянхи Çыру пĕлтерĕшĕ уйрăмах пысăк.

Раштав сиввине пăхмасăр республикăри 14 районтан килнĕ çынсене курма май пулчĕ. Мероприятие çавăн пекех яваплă хăнасем те хутшăнчĕç. Вĕсен йышĕнче: ТР Президенчĕн департаменчĕн шалти политика ыйтăвĕсемпе ĕçлекен управлени пуçлăхĕ Данил Мустафин, Тутарстанри халăхсен ассамблейин председателĕн заместителĕ Николай Владимиров, Тутарстанри Халăхсен туслăх çурчĕн директорĕ Ирек Шарипов, Аксу муниципалитет районĕн пуçлăхĕ Камиль Гилманов.

Хулаçум автовокзалтан çĕнни патне каçмалли çĕр айĕнчи çул хĕрринче кивĕ фуфайка тăхăннă, тĕссĕрленнĕ тутăр çыхнă ватă карчăк ларать. Умĕнче - вараланчăк савăт. Иртен-çÿрен унта укçа пăрахса хăварать. Параканни - парать, паманни - пăрăнса каять...

Шупашкартан Шăмăрша çÿрекен автобуса билет илтĕм те, тепĕр сехет вăхăт пуррине кура, хулана тухма шухăшларăм. Каллех чăваш карчăкĕ умĕнчен иртме тиврĕ. Хальхинче те вунă тенкĕлĕх тимĕр укçа хутăм.

- Турă сывлăх патăрах сана, ырă çыннăм... - хуллен пăшăлтатрĕ ватă хĕрарăм.