Архив - 19 Апр, 2014 - Хыпар

Кĕçнерни кун Раççей Президенчĕ халăхпа черетлĕ «Тÿрĕ лини» ирттерчĕ. Йăлана кĕнĕскер шучĕпе 12-мĕш пулчĕ. Патшалăх Пуçлăхĕ Мускаври студири журналистсен тата çĕр-шывăн тĕрлĕ кĕтесĕнчи граждансен ыйтăвĕсене хуравларĕ. Çак калаçăвăн тĕп сыпăкĕсемпе вулакана паллаштаратпăр.

Муркаш районĕнчи Юнкă тăрăхĕнче çут çанталăк тусĕсем пурăнаççĕ. Пĕчĕкренех тавралăха упрама, юратма вĕренеççĕ вĕсем. Тата хăват панă çак вырăна усă кÿме тăрăшаççĕ. Ку тĕлĕшпе шкул ачисем уйрăмах хастар. Вĕренекенсем кăçал 100 /!/ ытла шăнкăрч йăви ăсталанă.

Чăваш литературине, тăван халăха юратакансем К.В.Иванов ячĕллĕ литература музейĕнче А.Гринăн 5 томпа чăвашла тухнă хайлавĕсене пахаларĕç. Кĕнекене куçарса вулакан патне çитерекенĕ - Раççей Федерацийĕн Писательсен Союзĕн членĕ Алексей Леонтьев.

Ял ачисем район центрĕнчи шкула вĕренме кайсан вырăсла ытларах калаçни пирки пĕлтереççĕ пĕлĕшĕмсем. Чăваш чĕлхин кунĕ çывхарнă май çакна хам курса ĕненес терĕм. Республика варринче вырнаçнă Вăрнар районне суйларăм. Анчах Вăрнар поселокнех çитес темерĕм, Нурăсра /вырăнти халăх ытларах Калинино тет/ чарăнтăм.

Ака уйăхĕн 18-мĕшĕнче Чăваш Ен Пуçлăхĕ Михаил Игнатьев тата «Раççей Перекет банкĕ» АУОн Атăл-Вятка банкĕн председателĕ Сергей Мальцев ЧР Министрсен Кабинечĕпе Раççей Перекет банкĕ тачă çыхăну тытса ĕçлесси çинчен калакан килĕшĕве алă пуснă.

Вырăнти хăй тытăмлăх паянхи обществăн пĕлтерĕшлĕ институчĕсенчен пĕри пулнине пурнăç хăй çирĕплетрĕ.

А.Спиридонова художник Атăла юратса ÿкернине пĕлетĕп. Унăн тата мĕнле паллă картинисем пур. Хăйĕн пирки каласа кăтартсан та аванччĕ.

И.СЕРГЕЕВА.

Çĕрпÿ районĕ.

Çак рете тата малалла тăсма пулать: çар морякĕ, ăсчах /тинĕс-çар ăслăлăхĕсен кандидачĕ/... Сумлă çак сăмахсем Чăваш Республикин культурăн тава тивĕçлĕ ĕçченĕ Виталиă Золотов пирки. Ака уйăхĕн пуçламăшĕнче вăл 80 çул тултарнă.

Паянхи ял... Мĕнлерех вăл? Ял-сала та тĕрлĕрен пулать-ха. Пĕри, хула е райцентр çывăхĕнче вырнаçни е ял тăрăхĕн тĕп усадьби шутланаканĕ, пур енĕпе те аталаннă. Тепри вара, халăхра каланă пек "шуйттан шăтăкĕнче лараканни", - тахçанах манăçа тухма пултарнă.

Кирек мĕнле çемьен те е уйрăм çыннăн сăн ÿкерчĕксен альбомĕ пурах. Вĕсене кашниех хаклă реликви вырăнне хурса упрать, вăхăт иртнĕçем хыçа юлнă çулсене аса илсе куç умне кăларать. Акă нумай пулмасть манăн архиври пĕр сăн ÿкерчĕк алă айне лекрĕ.