Архив - 3 Апр, 2014 - Хыпар

3 Апр, 2014

Чăваш Енри ял хуçалăх организацийĕсемпе пысăк хресчен-фермер хуçалăхĕсем 2014 çулхи ака уйăхĕн 1-мĕшĕ тĕлне çур акине епле хатĕрленнине районсемпе илсе кăтартни

3 Апр, 2014

Кăтарту кунсерен лайăхланать

Ака уйăхне кĕнĕренпе çĕр ĕçченĕ канăçа çухатрĕ: акана тухас вăхăт кунсерен çывхарать мар-и? Çав вăхăтрах хатĕрленÿре пурнăçламалли ĕç калăпăшĕ самаях пысăк. Лайăх вăрлăх янтăланă хушăрах пĕрчĕллĕ удобрени, солярка, автобензин çителĕклĕ кÿрсе килмелле, техникăна хире кăларма йăлтах хатĕрлемелле.

3 Апр, 2014

Каччăсем тăраççĕ çар ретне

Тăван çĕр-шыва чунтан парăннисен, кăмăлпа çирĕпписен, çĕр çинче, тинĕсре, тÿпере хăюлăхпа паттăрлăх кăтартма хатĕррисен тепĕр ăрăвĕ ака уйăхĕн 1-мĕшĕнчен алла хĕç-пăшал тытса çар ретне тăма пикенет: Раççейре çурхи призыв пуçланчĕ.

3 Апр, 2014

Мускаври тĕл пулусем

ЧР Министрсен Кабинечĕн Председателĕ Иван Моторин Мускавра ĕçлĕ визитпа пулнă.

Премьер-министр Раççей Строительство, Экономика аталанăвĕн министерствисенче, федерацин пурăнмалли çурт-йĕр строительствин аталанăвне пулăшакан фондĕнче тĕл пулу ирттернĕ. РФ строительство тата пурăнмалли çурт-йĕрпе коммуналлă хуçалăх министрĕн çумĕпе Андрей Чибиспа Иван Моторин Чăваш Республики федерацин «Таса шыв» программине хутшăнас ыйтăва сÿтсе явнă.

3 Апр, 2014

Ака уйăхĕн 1-мĕшĕнчен - çĕнĕ виçепе

Раççей Федерацийĕн Правительствин йышăнăвĕпе кăçалхи ака уйăхĕн 1-мĕшĕнче социаллă пенсисем - 17,1, федераци çăмăллăхçисен уйăхри укçа тÿлевĕ тата социаллă пулăшу пуххин хакĕ - 5, ĕç пенсийĕсен страховани пайĕ нарăс уйăхĕнче ÿстерни çумне тата хушса 1,7 процент пысăкланнă.

3 Апр, 2014

Хура пăсара çеç ашкăнкалать

Етĕрне районĕнчи Мăн Чураш шкулĕ кăçал республика конкурсне хутшăнса ачасене экологи пĕлĕвĕ парас, чун-чĕрене экологи туйăмĕ хывас енĕпе лайăх ĕçленĕшĕн ялти вĕренÿ учрежденийĕсен хушшинче çĕнтерчĕ.

Ачасене тавралăха юратма нумай çул вĕрентетĕп. Пирĕн шкула çулла е кĕркунне килекен хăнасем ачасем, педагогсем, ашшĕ-амăшĕ пăхса çитĕнтерекен ÿсен-тăрана курса тĕлĕнеççĕ. Вĕренекенсем тăван тавралăха тĕпчеççĕ, çуллен йывăç-тĕм лартаççĕ. Юман, хыр, лиçван хунавĕсене йĕкелпе вăрăран шкул питомникĕнче шăтарса куçарса лартма хатĕрлетпĕр.

3 Апр, 2014

Умра - хĕрÿ тапхăр

Вăрманта чĕп çитĕнтерекен шăнкăрч çулçă çиекен, йывăç кăшлакан хурта нумай пĕтерет.

Тăвай, Канаш районĕсенчи Карăклă тата Шăхасан шкулĕсен вăрманлăхĕсен хастарĕсем çĕнĕ 150 вĕлле, киввине 350 яхăн тасатса çакрĕç.

3 Апр, 2014

Чăвашларан вырăсла куçарма вĕреннĕ

Google шыравçă чăвашла-вырăсла куçаруçăн бета-тĕрĕслевне пуçланă. Хальлĕхе вăл вырăсларан чăвашла куçарма пĕлмест-ха. Кун пирки шырав тытăмĕн Раççейри блогĕ пĕлтерет.

Чăвашла текста вырăсла куçарма Google-куçаруçă сайтне кĕмелле. Унта чăваш чĕлхине суйласа илнĕ хыççăн чăвашла текста кĕртмелле. Сăмах май, чăвашла çырнине акăлчанла, украинла тата ытти чĕлхене те куçарма пулать. Анчах çак куçару виççĕмĕшле пулнине пĕлтерет сайт. Мĕншĕн тесен текста малтан вырăсла, ун хыççăн тин ытти чĕлхене куçарать.

Страницы