Архив - 12 Апр, 2014 - Хыпар

Республика Пуçлăхĕ Михаил Игнатьев Правительство çуртĕнче строительство организацийĕсен ертÿçисемпе, архитекторсемпе канашлу ирттерчĕ.

Халăх шухăшне тĕпчекен Пĕтĕм Раççейри центр /ВЦИОМ/ çак кунсенче Раççей Правительствин министрĕсен ĕçĕсен пахалăхне хаклакан рейтингпа паллаштарнă.

Ăна тишкернĕ май - çапларах пĕтĕмлетÿ, Раççейре пурăнакансем юлашки уйăхсенче РФ Правительствин пĕтĕм членĕн ĕçне пысăка хурса хаклама пуçланă. Нумайăшĕн рейтингĕ çулталăк çурăра самаях ÿснĕ. Çакă министрсен ят-сумĕ хăвăрт ÿссе пынă май аутсайдерсен позицийĕсем те чакнă.

ЧР Сывлăх сыхлавĕпе социаллă аталану министерствин «Кÿкеçри ватă çынсемпе инвалидсен интернат çурчĕ» бюджет учрежденийĕ уçăлнăранпа кăçалхи ака уйăхĕнче 45 çул çитет. Хÿтлĕх кĕтекен малтанхи çынсем кунта Çĕрпÿ районĕнчи Иваново салинчи ветерансен çуртĕнчен куçнă, вĕсем хыççăн - Йĕпреçрен, Атратьрен...

Авалхи ырă йăла-йĕркене упраса хăварса çамрăк ăру патне çитересси - паян пурăнакансен тĕп тивĕçĕсенчен пĕри. Вун-вун çултан та çынсене савăк юрă, хаваслă ташă савăнтарма пултартăр.

Чăваш Енре ака уйăхĕн 10-мĕшĕнчен пуçласа çу уйăхĕн 10-мĕшĕччен социаллă сфера организацийĕсен хушшинче «Пушар хăрушлăхĕсĕр объект» конкурс иртет. Ăна пирĕн республикăра Раççей МЧСĕн Чăваш Республикинчи тĕп управленийĕпе Чăваш Ен ГКЧСĕ иккĕмĕш çул йĕркелеççĕ.

Федерацин Чăваш Республикинчи тĕп инспекторĕ Геннадий Федоров Шăмăршă районĕнчи çынсене хăйсен ыйтăвĕсемпе йышăннă. Вĕсен хушшинче çивĕччи çук мар. Акă хăш-пĕр ял тăрăхĕнче пăрăхсем кивелнĕрен ĕçмелли шыв пахалăхĕ япăхланнă. Çынсен ăна лавккаран туянма е ялти çăлсенчен турттарса килме тивет. Йышăнăва пынисем районти кивĕ шыв пăрăхĕсене çĕннипе улăштарма пулăшма ыйтнă. Районта пурăнакансене çавăн пекех республика пĕлтерĕшлĕ «Шăмăршă - Суйкăн - Алтышево» автомобиль çулĕн тăрăмĕ пăшăрхантарать. Ку çулпа вĕренекенсене шкул автобусĕпе турттарма хăрушлансах пырать. Халăх ăна тĕпрен юсама ыйтнă.

ЧР Вĕренÿпе çамрăксен политикин министерстви журналистсемпе пресс-конференци ирттерни çинчен «Хыпарăн» кĕçнерни кунхи номерĕнче пĕлтернĕччĕ ĕнтĕ. Çапах та ларура хускатнă хăш-пĕр ыйту çинче тепĕр хутчен чарăнса тăрас килет.

Çулталăк каялла иртнĕ Чăваш Республикин Муниципалитет йĕркеленĕвĕсен канашĕн 5-мĕш създĕнче Чăваш Ен Пуçлăхĕ Михаил Игнатьев вырăнти хăй тытăмлăх органĕ обществăпа политикăри хăйĕн чăн вырăнне тупнине, граждан обществин пурнăçне йĕркелесе пымалли тĕп форма пулнине, хăватлă витĕм кÿнине кăмăллăн палăртрĕ.

Пуш уйăхĕн варринче Чăваш Республикин Пуçлăхĕ Михаил Игнатьев политика партийĕсен парламентри фракцийĕсен ертÿçисемпе тĕл пулнă вăхăтра ку ыйту каллех çĕкленчĕ.

1996 çулхи çу уйăхĕн 14-мĕшĕнче Çĕмĕрле районĕнчи Мисчĕ поселокĕ çывăхĕнче чукун çул çинчи цистернăсем çаврăнса ÿксе вĕсенчи химикатсем - дизтопливăпа фенол - юхса тухса çĕре варалани, халĕ чукун çул управленийĕн дирекцийĕ малтан панă сăмахне тытмасăр инкек сиенне сирессинчен пăрăнни çинчен сăмах пулчĕ. Ун чухне вырăнти влаç тытăмне те çакăнпа килĕшсе ларнишĕн ÿпкев лекрĕ.

Етĕрне районĕнчи Кивĕ Тинкеш ял тăрăхĕнче ку таранччен чиркÿ е таса çăл куç пулман. Мĕншĕн пирĕн патра сăваплă вырăн çук? Сăр енче те турра ĕненекенсем пурăнаççĕ вĕт. Теприсем, авă, кашни вырсарни кун Кĕçĕн Чураш чиркĕвне машина тытсах каяççĕ.