Юпа уйăхĕн 20-мĕшĕнче Чăваш Ен Пуçлăхĕ Михаил Игнатьев республика Правительствин членĕсемпе, федерацин ĕç тăвакан влаç органĕсен тата хула округĕсен ертÿçисемпе планерка ирттернĕ. Видеоконференци мелĕпе йĕркеленĕ канашлăва муниципалитет йĕркеленĕвĕсен пуçлăхĕсем те хутшăннă.
Инкек куçа курăнса килмест теççĕ. Юпа уйăхĕн 17-мĕшĕнче те ăна никам та кĕтмен. Çав кун пирĕн республикăн çурçĕр районĕсене юрлă-йĕпе юрлă хутăшпа тата витĕр кастаракан сивĕ çилпе килсе самантрах çул-йĕре, йывăçсене, электролиние пăрлантарса лартрĕ. Йывăрăша чăтаймасăр йывăçсем хуçăла-хуçăла анчĕç, çутă юписем тÿнчĕç, пăралуксем татăлчĕç. Чылай районта çын пурнăçĕшĕн хăрушă авариллĕ лару-тăру пулса тăчĕ.
Сывă-и? Чунăмри вăрттăнлăх пирки хĕр тусăмсене пĕлтерес килменрен алла хутпа ручка тытрăм. Чĕреме "вут хыпнăранпа" пĕр уйăх та иртрĕ ĕнтĕ. Унтанпа çывăраймастăп та, йĕркеллĕ те ĕçлейместĕп. Хушăран ĕçтешĕмсемпе юлташсем мĕн каланине те илтместĕп. Темĕнле, хамăн тĕнчере пурăнатăп темелле-ши?
Кĕрхи кунсем...…Çанталăк кунĕпех ăмăр, пĕлĕт пĕр чарăнми «макăрать». Катя та çак çанталăкпа пĕрле тунсăхларĕ, салху кăмăлне пĕрле пайларĕ. Юратнă мăшăрĕпе пĕчĕк хĕр пĕрчийĕ асламăшĕ патне яла кайнă. Хăй пĕрле кайманшăн ÿкĕнчĕ.
...Çÿçĕм кĕмĕл тĕспе витĕниччен час-часах кайса çÿреттĕм тăван ялăма. Çĕнĕ Шуртан виçĕ район - Канаш, Йĕпреç тата Вăрнар районĕсем чикĕленнĕ вырăнта ларать. «Турă пилленĕ кĕтес», - теççĕ ун пирки таврари ялсенче пурăнакансем. Ара, укăлчаран тухатăн кăна - пысăках мар вăрмана пырса кĕретĕн. Виçĕ çухрăмра Кĕçĕн Çавала хăйĕн йăлтăркка хумĕсене васкаса хăвалакан Кушлавăш шывĕ юхса выртать. Мĕн ачаранах чун-чĕрере манăçми çутă йĕр, ырă аса илÿ хăварнă Янклат тăвайкки, Çĕр кĕперпе Куршанак çырмисем...
Çулçă чăштăртатнипе те, çумăр çунипе те киленмелле. Ыттисенчен нимĕнпех те уйрăлса тăман ялта пурăнать вăл. Ĕмĕрне вырăнти хуçалăхра ĕçлесе ирттернĕ. Çут çанталăк ăна вăрăм ĕмĕр пилленĕ.
Килĕшÿллĕ çемьере ĕç кал-кал пырать. Хĕрлĕ Чутай районĕнчи Турханта пурăнакан Вороновсемпе тĕл пулнă май çакна аванах туйса илтĕм. Галина Поликарповнăпа Юрий Гаврилович пурнăç çулĕпе чĕрĕк ĕмĕр ытла пĕрле утаççĕ. Мăшăр пĕр-пĕрне куçран пăхсах ăнланать. Кил хуçи тăван хуçалăхра инженерта ĕçлет, арăмĕ вара Мучикассинчи вулавăшра вăй хурать. Ĕçчен çемье картиш тулли выльăх-чĕрлĕх, хур-кăвакал усрать. Галинăпа Юрий мĕн пĕчĕкрен ĕçе хăнăхса ÿснĕ. Галинăн амăшĕ фермăра ĕçлесе тивĕçлĕ канăва тухнă. Икĕ хĕрне вăл пĕчĕклех ĕçе кÿлĕнтернĕ. Хĕр пĕрчисем шкулта та лайăх вĕреннĕ.
PDF-версия. №19 открывается рисунками С. Мягкова «Оружия массового поражения от бабы Маши» (на обложке) и «Сануборку проводить будете?» (на 2-й стр.)
СУРСКИЙ РУБЕЖСКИЙ
Чăвашла верси
Русская версия
