Архив - 29 Окт, 2014 - Хыпар

Чăваш Енри Патшалăх Канашĕн депутачĕсем Раççей правительствин ертÿçи Дмитрий Медведев тата Патшалăх Думин председателĕ Сергей Нарышкин патне çырупа тухнă. Чăваш парламентарийĕсем хресченсене пулăшасшăн.

Хальхи тапхăрта Патшалăх Думинче ял хуçалăхне аталантарасси çинчен калакан саккуна улшăнусем кĕртме проект хатĕрлеççĕ. Унпа килĕшÿллĕн, кредит процентне саплаштарма паракан субсиди хуçалăхăн счечĕ çине мар, банка куçĕ. Хуçалăх ертÿçи е фермер кредитăн тĕп парăмне тата процентăн юлнă суммине /ăна патшалăх саплаштармасть/ кăна тÿлĕ.

Чăваш Ен ÿнерçисен пĕрлĕхĕ Атăлçи хутлăхĕнче лайăххисен йышĕнче.  Чăваш Республикин Художниксен союзĕ 150 яхăн ÿнерçе пĕрлештерет. Культура çулталăкĕнче вĕсем те ума пысăк тĕллевсем лартрĕç, палăртнă ĕмĕтсене пурнăçа кĕртес тесе ăнтăлаççĕ. Çитес çул та сăрă ăстисемшĕн ахальли мар: союза йĕркеленĕренпе 80 çул çитет.

Патшалăх сывă çынсен йышĕ пысăкланасса кĕтет

Чăваш Енĕн вырăнти хăй тытăмлăх органĕсенче Чăваш Республикин Пуçлăхĕ кăларнă Указпа килĕшÿллĕн "Сывлăх профильне" хатĕрлĕç. Вăл муниципалитетсен малашнехи аталану стратегийĕн тĕп шăнăрĕ пулĕ темелле. Асăннă концепци халăх сывлăхне çутатса паракан документ кăна мар, унăн хăй тĕпленнĕ вырăнти пурнăçа сăнласа пуласлăхра мĕнлерех йĕркелессине кăтартакан программа та пулма тивĕç.

Чăваш Ен спортсменĕсем ирĕклĕ мелпе кĕрешес енĕпе "Юность России" физкультурăпа спорт обществин парнисене çĕнсе илессишĕн Челябинскра иртнĕ ăмăртуран медальсемпе таврăннă.

Çак ятпа Елчĕк районĕнчи Кушкă шкулĕнче сăн ÿкерчĕксен конкурсĕ иртнĕ. Учитель кунĕнче пуçарнă кăсăклă мероприятирен пĕр ача та айккинче пăрăнса юлман, пурте юратнă вĕрентекенĕ патне васканă.

Çак кунсенче Шупашкарти Л.Н.Толстой ячĕллĕ библиотека хăйĕн черетлĕ юбилейне паллă тăвать.

Федерацин Атăлçи округĕнчи шырав отрячĕсен "Никама та манман" слечĕ вĕçленнĕ. Киров облаçĕнчи "Строитель" сывлăх лагерĕнче иртнĕ мероприятие 375 çын хутшăннă.

Юсанмалли 6-мĕш колонире тĕрĕслевсем ирттернĕ май ЧР юсанмалли учрежденисенче саккунсене пăхăннине сăнаса тăракан Шупашкар прокуратури саккуна пăснă тĕслĕхсене тупса палăртнă.