Архив - 15 Окт, 2014 - Хыпар

Вчера в администрации города Чебоксар состоялась торжественна церемония награждения самых активных участников форума «Россия - спортивна держава». «Нас ждут новые попеды». Роза Власова. 1 стр.

Ĕнер Шупашкар хула администрацийĕнче «Раççей – спорт çĕр-шывĕ» форума йĕркелесе ирттерме пулăшнă пултаруллă та хастар çынсене хисеп хучĕсемпе, тав çырăвĕсемпе чысларĕç. «Пире тата нумай çĕнтерÿ кĕтет». Роза Власова. 1 стр.

Форума лайăх ирттерме пулăшнăшăн - наградăсем

Мускавра, Пĕтĕм Раççейри курав центрĕнче, "Ылтăн кĕркунне-2014" курав вун улттăмĕш хут иртнĕ. Унта Чăваш Ен делегацийĕ те хутшăннă. ЧР Ял хуçалăх министерстви "Ĕç пуçлакан фермерсене пулăшас тĕлĕшпе палăртнă тĕллевсене ăнăçлă пурнăçланăшăн" конкурсра /ăна Раççей Ял хуçалăх министерствипе "Пĕтĕм Раççейĕн халăх хуçалăхĕн çитĕнĕвĕсен куравĕ" АО йĕркеленĕ/ ылтăн медале тата I степень Диплома тивĕçнĕ. Ведомство 2012-2014 çулсенче ĕç пуçаракан 152 фермера - 191 млн, 16 çемье фермине 91 млн тенкĕ уйăрассипе çыхăннă ыйтусене вăхăтра татса парса самаях пулăшнă.

Чăваш Республикинчи Хĕрарăмсен канашĕн председателĕ Ольга Зайцева /сăн ÿкерчĕкре - сылтăмра/ "Граждансен хастарлăхĕн шкулĕ" семинара, регионсенчи уйрăмсен хастарĕсене лидер пулма хатĕрлес тĕллевпе йĕркеленĕскере, хутшăннă.

"Трактор завочĕсем" концерн, Раççейри Машина тăвакансен пĕрлĕхĕ, ЧР Ял хуçалăх министерстви тата Хăй тĕллĕн çÿрекен машинăсене, ытти техникăна тĕрĕслекен патшалăх инспекцийĕ пулăшнипе Шупашкарта 4-мĕш хут иртнĕ "XXI ĕмĕрти Кулибин" курав-конкурса пĕтĕмлетнĕ.

Унта Мари Республикинчен - Алексейпе Сергей Беляевсем, Чул хула облаçĕнчен Валерий Родионовпа Сергей Алатин пуçласа хутшăннă.

20 ăслайçă хушшинче тĕп хулари механика-технологи техникумĕнчи студентсемпе Трактор историйĕн музейĕ çумĕнчи "Кулибин мастерскойĕ" кружока çÿрекенсем те пур.

Пĕтĕм Раççей халăх фрончĕ /ПРХФ/ юпа уйăхĕн 14-15-мĕшĕсенче Пензăра "Пахалăхлă вĕрентÿ - çĕр-шывшăн" форум ирттерет. Педагогăн социаллă миссине кăтартас тĕллевпе çакнашкал тĕл пулу йĕркелес шухăша Владимир Путин та ырланă.

Шупашкарти Ленин районĕн сучĕ И.Н.Ульянов ячĕллĕ Чăваш патшалăх университечĕн 65 çулти экс-ректорĕ Всеволод Агаков тĕлĕшпе приговор палăртнă.

Суд çирĕплетнĕ тăрăх - ЧПУн медицина факультечĕн доценчĕ Татьяна Агафонкина тата университетăн Патăрьелĕнчи филиалĕн директорĕ Людмила Лялина ют пурлăха вăрлас тĕллевпе университетăн икĕ служба хваттерне саккуна пăсса хăйсен харпăрлăхне куçарма тăнă. Çакна пĕлнĕ май Всеволод Агаков ректор тата Алла Иванова проректор вĕсене документсем хатĕрлеме пулăшнă. Харпăрлăха ярса илме тăнă хваттерсен хакĕ 3-шер млн тенкĕ ытла пулнă.

Китайри Наньнинь хулинче спорт гимнастики енĕпе тĕнче чемпионачĕ иртнĕ. Унта Чăваш Ен спортсменĕсем те пысăк çитĕнÿпе палăрнă.

Вăрнар районĕн тĕп больницин коллективĕ çамрăк тухтăрсемпе пуянланчĕ. Вăрнар поселокĕнче çуралса ÿснĕ Жанна Карпова тата Дмитрий Николаев аслă пĕлÿ илсен тăван тăрăхах таврăннă, кунта чирлисене сиплесшĕн вĕсем.