Архив - Авг 2018

Август 30th

Авăнăн 1-мĕшĕ — кашни ачашăн чи пĕлтерĕшлĕ кунсенчен пĕри. Вăл хавхалану, савăнăç, хумхану илсе килет. Куç хупса илмелĕх кăна — пĕлÿ çурчĕ каллех алăкĕсене уçĕ, шăнкăрав сасси янăрĕ. Пирĕн вулакансем шкула кайма хатĕр-ши? Çакна вара часах пĕлĕпĕр!

Пĕтĕм тĕнчери «Волхов фрончĕ. Чудово» шырав экспедицине хутшăнмашкăн пирĕн республикăри 25 хастар — Муркаш районĕнчи Мăн Сĕнтĕр шкулĕн отрячĕ, Комсомольски районĕнчи Çĕнĕ Мăрат шкулĕн «Наследие», Çĕнĕ Шупашкарти 9-мĕш шкулти «Прометей», Улатăрти 9-мĕш шкулти «Стрелец» отрячĕсем — çурла уйăхĕн 9-мĕшĕнче çула тухнă. Çак кунсенче вĕсем тăван тăрăха таврăннă.

Димăпа Ирина Ивановсем ача-пăча кану лагерĕнче сывлăхне çулсерен çирĕплетеççĕ. Кашни çĕнĕ вĕренÿ çулне çĕнĕ вăйпа пуçлассине йăлана кĕртнĕ вĕсем. Пĕртăвансем çавăнпа лайăх вĕренеççĕ, шкул пурнăçĕнче пултарулăхпа палăраççĕ.

Çĕнĕ вĕренÿ çулне чăтăмсăр кĕтеççĕ ачасем

Çуллахи кану кунĕсем сисĕнмесĕрех иртрĕç, часах ачасем парта хушшине ларĕç. Шăпăрлансем шкула каясса чăтăмсăррăн кĕтеççĕ, тус-тантăшĕшĕн питĕ тунсăхланă-çке. Канаш районĕнчи Асхва тата Çĕнĕ Шелттем ачисем каникула мĕнле ирттернĕ тата шкула мĕнле кăмăл-туйăмпа каяççĕ-ши?

Ангелина ПАВЛОВСКАЯ çыравçăпа тĕл пулмашкăн мана редакцие килнĕ çыру хистерĕ. Хаçат урлă паллă çынсен шăпипе паллашас килни хавхалантарчĕ. Ангелина Ивановна патне хăнана хаваспах кайрăм.

Чăваш халăх артистки Светлана Михайлова халĕ 91-ре. Ÿксе пĕçĕ шăммине хуçнă хыççăн вăл тухса çÿреймест. Ăсĕ чиперех, ачалăхĕнчи, çамрăклăхĕнчи нумай саманта ас тăвать. Вăл сăвăсем те пăхмасăр калать. Пĕрне, ăна халалласа çырнине, вуларĕ.

Шупашкартан Хусана час-часах çÿрекен Ксения Кокель унти вокзал çурчĕ çинче тутар хĕрне сăнлакан фрескăна курсан шухăша путнă: «Пирĕн хулара унашкалли, хамăр культурăна кăтартакан ÿкерчĕк, мĕншĕн çук-ши?» Унăн шурă Шупашкарти çуртсем çинче чăваш орнаменчĕсене курас килнĕ.

Çĕршывĕпех шкулсенче вĕрентекенсем çитмеççĕ. Пĕтĕм Раççейри халăх фрончĕн эксперчĕсем кăçалхи çу-утă уйăхĕсенче ирттернĕ ыйтăма пĕтĕмлетнĕ хыççăн çакăн пек пĕтĕмлетÿ патне килсе тухнă.

Страницы