Архив - 7 Апр, 2017

Патшалăх Канашĕн ĕнер иртнĕ черетлĕ çиччĕмĕш сессийĕн кун йĕркинче 14 ыйту пулчĕ. Тĕп ыйту — республика Пуçлăхĕ Михаил Игнатьев Министрсен Кабинечĕн 2016 çулхи ĕçĕ-хĕлĕн кăтартăвĕсем çинчен тунă отчет.

Шалу виçи ÿсĕмлĕ

Парламента Правительствăн ĕç кăтартăвĕсемпе паллаштарассине ЧР Конституцийĕнче çирĕплетнĕ. Михаил Игнатьев чăннипех анлă та тĕплĕ отчет турĕ — Министрсен Кабинечĕн ĕçне туллин те пур енлĕн тишкерчĕ.

Валерий ФИЛИМОНОВ, ЧР Патшалăх Канашĕн Председателĕ:

— Республикăн инвестици илĕртÿлĕхĕ ÿссе пыни пысăк пĕлтерĕшлĕ. Пăхăр-ха, промышленноç производствин кăтартăвĕсем мĕнешкел ÿсĕмлĕ! Агропромышленноç секторĕ те ăнăçлă ĕçлет. Халăха ĕçпе тивĕçтерессин кăтартăвĕсем япăхланманни те питĕ лайăх.

Бизнеса аталанмалли тата ĕçлемелли хăтлă условисемпе тивĕçтересси — çак ыйтăва ĕнер федерацин Атăлçи округĕнчи регионсен прокуратура ĕçченĕсен семинарĕнче сÿтсе яврĕç. Шупашкарта Правительство çуртĕнче иртнĕ канашлăва РФ Генпрокурорĕн заместителĕ Сергей Зайцев ертсе пычĕ, калаçăва ЧР Пуçлăхĕ Михаил Игнатьев та хутшăнчĕ.

Чăваш Енре туса илекен ял хуçалăх продукцине паянхи кун Раççейри нумай регионта хапăлласах туянаççĕ. Ăна çавăн пекех чикĕ леш енчи 28 çĕршыва ăсатаççĕ.

Кăçал республикăра автомобиль çулĕсем тăвас, вĕсене тĕпрен çĕнетес, юсас ĕçе мĕнле йĕркелĕç? Республикăн транспорт тата çул-йĕр хуçалăхĕн министрĕ Владимир Иванов хуравлать.

Халăхра çакăн пек каларăш пур — Раççейре икĕ инкек: çулсем тата ухмахсем. Çĕрпÿ районĕнчи Чурачăк ялĕнчи «Воддорстрой» обществăн генеральнăй директорĕпе Анатолий Федоровпа çулсем пирки калаçатпăр.

Муркаш тăрăхĕнче илемлĕ вырăнсем пур-и? Хăнасене ăçта илсе кайса кăтартма пулать? Кун пирки Муркашри ача-пăча пултарулăх çурчĕн директорне Алевтина Рожковăна каласа кăтартма ыйтрăмăр.

Муркашсем пĕлтĕр вĕренÿ туризмĕ енĕпе «Муркаш районĕ — туризм тăрăхĕ» проект хатĕрлесе 200 пин тенкĕлĕх грант çĕнсе илнĕ. «Çак укçа-тенкĕпе эпир ачасене экскурсисене илсе çÿрерĕмĕр. Вĕсем Шупашкара, Йошкар-Олана, Козьмодемьянска кайса курчĕç. Хамăр тăрăхри хитре вырăнсемпе те паллашрĕç. Муркаш районĕнче курса çÿремелли икĕ маршрут хатĕрленĕ.

«Советская Чувашия» хаçат хăйĕн пиччĕшĕ — «Хыпар» хаçат — хыççăн утăм хыççăн утăм туса пĕр ĕмĕре çитрĕ.