Архив - Июл 2016

Министрсен Кабинечĕн юнкун иртнĕ ларăвĕн кун йĕркине анлă палăртнă тееймĕн — ыйтусен шучĕ чылай пысăкраххи те пайтах пулнă, çапах лару пурпĕр самай вăраха кайрĕ. Республикăн 2016 çулхи бюджетне улшăнусем кĕртмелли саккун проектне сÿтсе яврĕç — вăл чылай калаçтарчĕ.

Чăваш Ен Пуçлăхĕ Михаил Игнатьев халăхпа куçа-куçăн тĕл пулса уççăн калаçма яланах хатĕр. Çакна Михаил Васильевич граждансемпе тĕл пулма йĕркелекен йышăну кунĕсем те туллин çирĕплетеççĕ. Çавăн пекех юлашки вăхăтра информаци ресурсĕсем пулăшнипе республика çыннисемпе тÿрĕ çыхăнăва тухасси йăлана кĕчĕ.

Тарифсем кăçалхи утă уйăхĕн 1-мĕшĕнчен пысăкланасси çинчен «Хыпар» пĕлтернĕччĕ ĕнтĕ. Ертсе пыракан компанисем пурăнакан вырăн хуçисене укçа мĕн чухлĕ тÿлеттерессине çитес уйăх пуçламăшĕнче кашни çемьене çитерекен квитанцисенчен пĕлĕпĕр.

Чăваш Республикин патшалăх тата политика деятелĕн Илья Прокопьевăн 90 çулхи юбилейне халалласа Чăваш наци музейĕнче ĕнер «Кирек епле ĕç те çынпа кăна илемлĕ» курав ĕçлеме пуçларĕ.

Федераци çăмăллăхçисене — вăрçă ветеранĕсене, инвалидсене, радиаци катастрофисене пула нуша курнă çынсене тата граждансен ытти категорине — çурт-йĕрпе коммуналлă пулăшупа усă курнăшăн паракан социаллă пулăшу мерисемпе тивĕçтермелли йĕркене 2016 çулхи нарăс уйăхĕн 1-мĕшĕнчен улăштарнă. Çакăн пирки паянхи кăларăмра ЧР Ĕçлевпе социаллă хÿтлĕх министерствин социаллă пулăшу мерисемпе тивĕçтерекен центрĕн ертÿçи Ирина ДРОЗДОВА ăнлантарса парать.

Пĕрчĕллĕ тата пăрçа йышши культурăсене пухса кĕртесси кунсерен вăй илет. Пулса çитнĕ тырă лаптăкĕсене темиçе кун каялла çеç суйласа выратчĕç. Хĕвел хĕртнĕрен кĕрхи ырашпа тулă анисем талккăшпех пиçсе çитрĕç. Çавăнпа комбайнсем хире, эрне каяллахипе танлаштарсан, куллен икĕ хут ытларах тухаççĕ. Талăкри ĕç хăвăртлăхĕ палăрмаллах ÿсрĕ. Мĕнпур лаптăкăн вуннăмĕш пайĕ пушаннă ĕнтĕ. Чылай хуçалăхра кĕрхи культурăсене пухса кĕртнĕ. Патăрьелсем çуртрисен ани çине куçнă.

Республикăн агропромышленноçĕ кăçалхи пĕрремĕш çур çулта патшалăхран субсиди тата банксенчен кредит мĕн чухлĕ илнĕ? ЧР ял хуçалăх министрĕн заместителĕ Александр Георгиевич ЖУКОВ хуравлать.

— Сăмаха АПК еплерех аталаннинчен пуçлар.

— Мĕнпур харпăрлăхлă хуçалăхсенче ял хуçалăх производстви 2016 çулхи пĕрремĕш çур çулта пĕлтĕрхи çав тапхăртинчен 9% ÿснĕ.

Çут тĕнчере пайташăн çунман, ырă кăмăлпа ыттисен ырлăхĕшĕн тăрăшакан пысăк чунлă çын нумай-ши? Ахăртнех, сахал. Анчах, телее, çавăн йышшисем, альтруизмăн çут тĕслĕхĕ пулса тăракансем, пирĕн хушăра тĕл пулаççĕ-ха. Вĕсенчен пĕри — Валерий Филиппович Филиппов.