Архив - Дек 2016

Пĕр грейпфрут организма С витаминăн талăкра кирлĕ виçин 50 проценчĕпе тивĕçтерет. Унра çавăн пекех пектин тата биофлавоноидсем /хăватлă антиоксидантсем/, организмра çусене пухăнма чăрмантаракан, пĕвере наркăмăшсенчен тасатакан нарингин япала пур. Гликеми индексĕ пĕчĕккине кура грейпфрут диабет чухне те усăллă.

Ыйхă вĕçсен

Сахăра мĕншĕн кăна айăпламаççĕ пулĕ: шăла пăсать, диабет пуçарать, самăртать теççĕ. Паллах, ытлашши çисен çапла-ха. Анчах унăн сиплĕ енĕ те нумай.

Чĕлхене пĕçертсен

Чĕлхене кăларса тăсмалла та сиенленнĕ тĕле сахăр катăкĕ е пĕр чĕптĕм сахăр песукĕ хумалла. Ыратни часах лăпланать.

Гипертонирен

Тинĕс е юханшыв тĕпĕнчи хуранра çитĕннĕ чăн-чăн /искусствăлла майпа хатĕрлени мар/ ахах е ĕнчĕ /жемчуг/ хуçин сывлăхне питĕ сисĕмлĕ: вăл чирлĕ пулсан чул тĕссĕрленет, çуркаланать. Ахах çын чирне хăй çине туртса илет тесе шухăшлаççĕ.

Пирĕн ылтăнăм, пирĕн кĕмĕлĕм!

Мал ĕмĕтлĕ Бикчурин

Пĕтетпĕр вĕт, тăвансем!

Хырлăхри хÿтлĕх утравĕ

Компьютер умĕнче - пенсионерсем

Росгварди ĕçе пуçăнчĕ

Генерал парнисемшĕн

Пиротехника савăнăç çеç кÿтĕр

Татьяна Акимова — тĕнче кубокĕн çĕнтерӳçи

Чăваш спортсменки тĕнчери чи вăйлă биатлонистсен ăмăртăвĕнче çĕнтерсе пурне те тĕлĕнтерчĕ. Çак çитĕнĕве биатлона юратакансем те кĕтмен пулĕ. Тĕнче ăмăртăвĕн стартне иртнĕ сезонра тухнăскер тренерсен шанăçне тӳрре кăларчех.

«Патшалăх тĕрлĕ енлĕ пулăшни çĕр çинче ĕçлес кăмăллă çынна вăйлах хавхалантарать, — тет Патăрьел район администрацийĕн ял хуçалăх пайĕн ертӳçи Леонид Кузнецов. — Хăйĕн ĕçне пуçлама грант илес текенсен шучĕ çулсерен ӳсет. Юлашки вăхăтра кăна 33 фермера тĕрев панă».

Кăçалхи 10 уйăхра республикăра 11825 преступление регистрациленĕ. Ку пĕлтĕрхи çак тапхăртинчен 11,3% сахалрах — ырă пулăм. Анчах çак цифра та чылай пĕчĕкрех пулма пултарнă — эрех пĕтерет.

Социаллă учреждение кĕнĕ-кĕменех илемлĕ чăваш кĕвви чуна тыткăнларĕ. Инвалидсен кунĕ ячĕпе пысăк залра концерт пырать иккен. Алексейпе Регина Московскийсем, Андрей Думилин, Николай Пыркин шăрантаракан-янăратакан кĕвĕ çемми хĕл чатăрне сирсе Карапай Шăмăршă хутлăхĕнчи Çĕнĕ Тăрăн çумĕпе авкаланса иртекен Хырла шывĕ хĕрринчи хырлăх тăрăх аякка-аякка саланать.

Çĕнĕ Шупашкарти химипе механика техникумĕнчи информатика преподавателĕн Ольга Пайминăн вĕренекенĕсем юлашки вăхăтра самаях йышланчĕç. Çук, ĕç рынокĕ ыйтакан профессие алла илме ăнтăлакан çамрăксен шучĕпе мар, компьютер вăрттăнлăхĕсене уçăмлатас тĕллевлисем тивĕçлĕ канăва тухнă аслă ăру çыннисен хушшинче нумайланнипе. Ольга Петровна ертсе пыракан ушкăнри пенсионерсем нумаях пулмасть программăпа палăртнă курса вĕçлерĕç.