Архив - Фев 2015

Миша Новиков вуннăмĕш «б» класра пур предметпа та лайăх ĕлкĕрсе пырать. Уйрăмах биологи, алгебра, геометри урокĕсене кăмăллать. Унсăр пуçне Миша шкулта, республикăра иртекен чылай конкурса хутшăнать, ăмăртупа викторинăсенче тавракурăмĕпе ыттисене тĕлĕнтерет.

Чăвашсем мĕн ĕлĕкрен сывлăха упрама тăрăшнă. Вăрман, уй-хир, хуçалăх ĕçĕсене пĕтĕм вăй-халран тата чуна парса тĕплĕн пурнăçланă. Авалхи çынсем вăйлă, тĕреклĕ пулнă.

Кĕçех Аслă Çĕнтерÿ пулнăранпа 70 çул çитет.

Тăван çĕршывăн Аслă, Афганистан, Чечен вăрçисем мана яланах кăсăклантаратчĕç. Шырамалли, пĕлмелли нумай пек туйăнать. Шел те, эпир, хальхи çамрăксем, çав вăрçăсене хутшăннисен чылайăшĕн ятне-шывне те пĕлместпĕр.

Юрий тата Валерий Ельмовсем интернационалист салтаксем çинчен тĕплĕнрех пĕлес тĕллевпе вĕсен килĕсене çитсе курма шут тытрăмăр, çар паттăрĕсемпе калаçас терĕмĕр. Çак тĕллеве пурнăçлама инçетрен янă çырăвĕсене тупрăмăр, сăнÿкерчĕкĕсене пăхрăмăр, наградисем пирки ыйтрăмăр, тĕрлĕ документпа паллашрăмăр, салтаксен çемье пурнăçĕпе те интереслентĕмĕр.

Нумай пулмасть Чăваш кĕнеке издательствинче тĕлĕнмелле интереслĕ те ырă кĕнеке кун çути курчĕ. «Воробьиный юг. Çерçи кăнтăрĕ» ятлă вăл. 1000 экземплярлă тиражпа тухнăскерĕн авторĕ - Лев Кадкин, редакторĕ - Ольга Иванова, ÿнерçи - Светлана Кангина.

Дренаж çурта хÿтĕлет

ШУПАШКАPТИ ТĔП ПАСАРТИ ХАКСЕМ /февралĕн 25-мĕшĕ тĕлне/

Мунча тума юрать

Шĕкĕне пĕтерме пулать

Çурт лартмалли вырăна тĕплĕн шухăшласа суйламалла. Тĕрĕс вырăнта лартнă çуртра хăтлăх кÿме меллĕрех, çурчĕ те çирĕпрех пулĕ.

Çурт лартма вырăн суйланă чухне мĕне тĕпе хумалла-ха?

Кивĕ пÿртрен мунча тума юрать-и? Кивĕ мунча вырăнне çĕнĕ пÿрт лартма юрать-и?

ПЕТРОВА.

Çак ыйтăва Василий Иванов хисеплĕ инженер-строитель çапла хуравлать.

Пÿрт пĕренисем çĕрмен пулсан кивĕ пÿртрен мунча тума юрать. Халăхра та кивĕ пÿртрен мĕн те пулин тума юраманни çинчен нихăçан та нимĕн те илтмен. Иккĕмĕш ыйту çине вара хурав кăткăсрах пулĕ. Ыйту тĕрĕссипе инженери, строительство енĕпе çеç çыхăнман пулас. Ыйту авторĕ халăхра çÿрекен сас-хурапа та кăсăкланать.