Çынна ĕçне кура никам та хакламасть. Чи кирли - ĕçлени мар, ху тунă ĕçе кăтартма пĕлни.
- Кам эсĕ?
- Депутат.
- Намăса пĕл. Пурте ĕçлеççĕ - эсĕ ыйха сĕвелетĕн. Сана çемçе пукан çине мар, йĕплĕ-йĕплĕ çăмха çине лартмалла... Депутат çывăрсан саккун та çывăрать.
Патшалăх Думин пухусем ирттермелли залне икĕ тирпейлӳçĕ лару хыççăн йĕркене кĕртме пуçланă.
- Кунта иртекен аслă канашлу пĕтĕм патшалăха тытса тăрать теççĕ. Пухăннисем вара тенкел айне унта та кунта йĕпетнĕ, - ӳпкелешнĕ пĕри.
- Вĕсен йышĕн-че те тар юхтарса ĕçлекенсем пур, - ăнлантарнă тепри.
Хуплашкан 1-мĕш страницине Севиль Мусаева ÿкерчĕкĕ илем кÿрет. Иккĕмĕшпе виççĕмĕш страницăсенче çивĕч материалсем вырăн тупнă: "Этем хаклăхĕ - çÿп-çап шăтăкĕнче" тата "Çĕршывăн пулас сыхлавçисене".
Галина Зотовăн "Урокри çĕнтерÿ - пурнăçри ăмăрту" калавĕ тата Александр Мокинăн " Сухал пирки саккун кирлĕ" кулăшĕ вулакан кăмăлне каясса шанатпăр.
"Йĕплĕ йĕркесем", "Пултаракансемпе култаракансем", "Ан та кала", "Пулать вĕт" тата ытти ярăмсенче сире интереслĕ материалсем кĕтеççĕ.
Çавăн пекех кунта кроссворд тата илемлĕ ÿкерчĕксем пур.
Чăвашла верси
Русская версия
