Çутçанатлăлăк

Апрель уйăхĕн вĕçĕнче рабочисем Шупашкарăн хĕвелтухăç пайĕнче автомашинăран пушатнă хăйăртан пысăк шăмă сыпăкне тупнă.

"Лашан та, ĕнен те мар, - тенĕ. - Питĕ мăнă-çке! Камăн-ши?"

Хăйăрне Атăл хĕрринчи пристаньрен турттарнă. "Тĕсесе пăхрăмăр та малтан чул катăкĕ тесе айккине пăрахрăмăр, - пĕлтерчĕ Алексей Воробьев арматурçă. - Анчах шухăша кайрăмăр та çăмăлскерне хăйăртан хырса-шăлса тасатрăмăр. Пирĕн умра темле чĕрчун шăмми! "Тен, пин çул каялла пурăннă", - тесе тата хамăр çав чĕрчун историне кĕрессе шанса унăн умĕнче сăн ÿкерттертĕмĕр".