Аслă Çĕнтерÿ: 75 çул

«Эпĕ 1941 çулхи çĕртме уйăхĕнче Тĕмер шкулне пĕтертĕм. Ирхине çывăрса тăтăм та — вăрçă пуçланнине пĕлтĕм. Атте колхозра бригадирта, агрономра ĕçлетчĕ. Ăна вăрçа илсе кайсан ун вырăнне манăн бригадирта ĕçлеме тиврĕ», — çапла пуçларĕ калаçăва Тăван çĕршывăн Аслă вăрçин инваличĕ Михаил Александров миллион-миллион çыннăн пурнăçне тĕпрен улăштарнă çулсем пирки аса илме ыйтсан.