Комментари хушас

Ялти пĕвене тасатма камран ирĕк илмелле-ши? Тата мĕнле документсем хатĕрлемелле?

Ю.ТИМОФЕЕВ.

Тăвай районĕ.

Раççей Федерацийĕн Шыв кодексĕпе килĕшÿллĕн шыв объекчĕсем федераци харпăрлăхĕ шутланаççĕ. Пĕвесемпе шыв тулнă карьерсем Чăваш Республикин, муниципалитет йĕркеленĕвĕсен, уйрăм çын е юридици сăпачĕн харпăрлăхĕнче тăма пултараççĕ. Федерацин шыв объекчĕ шутланакан пĕвене тасатас тĕллевлĕ çыннăн унпа усă курма ирĕк ыйтса Чăваш Республикин Çут çанталăк ре-сурсĕсен тата экологи министерствине заявлени çырмалла.

Чăваш Республикин Çут çанталăк ресурсĕсен тата экологи министерствинче каланă тăрăх — ыйту хучĕпе пĕрле тата çак документсене памалла:

— шыв объектне хÿтĕлес тĕллевпе тума палăртнă ĕç-хĕл тата çав ĕçсене пурнăçлама уйăракан укçа-тенкĕ виçине, ăна ăçтан тупнине пĕлтерни тата пĕвепе унăн таврашĕнчи территорие сăнаса тă-рассине йĕркелемелли программа;

— пĕвери шыв пахалăхне тĕрĕслемелли аппаратура пурри çинчен пĕлтерни;

— шыв объекчĕн, ун таврашĕнче пурнăçлама палăртнă ĕç-хĕлĕн графика ÿкерчĕкĕ, унта мĕн ÿкерни çинчен ăнлантарса çырни.

ЧР Çут çанталăк министерстви ыйтăва 30 кунран кая хăвармасăр пăхса тухать, документсем сак-кунпа килĕшсе тăнине тĕрĕслет. Пĕтĕмпех йĕркеллĕ пулсан ведомство шыв объекчĕпе усă курма ирĕк парать. Çав документпа килĕшÿллĕн пĕвене тасатмашкăн пуçлама юрать

 

Валентина БАГАДЕРОВА хатĕрленĕ.
Image CAPTCHA
Введите символы, которые показаны на картинке.