Çурхи тĕнче вăраннă чух,
Хаваслă кун шăраннă чух,
Чун савăнать, чĕрем сикет,
Çĕршывăм çинчен юрлас килет.
Тăван çĕршыв, тăван çĕршыв!
Асран кайми юратнă çĕршыв!
Кам-ха вăл Чăваш Хвети? Çапла, авалхи чăваш юрăçи. Унăн 15 юрри-такмакне Дмитрий Ознобишин çырса илнĕ те 1833 çулта вырăсла куçарнă. Вĕсенчен хăшне- пĕрне «Чăваш юрри» ярăмпа «Заволжский муравейник» журналта пичетленĕ. Тен, шăпах çакăнпа Хветин ячĕ чăвашсен пĕрремĕш сăвăç-юрăçисен хушшинче сыхланса юлнă та. Анчах унăн кун-çулĕ тĕпĕ-йĕрĕпе паллă мар.
Шупашкарти илемлĕ урамсенчен пĕри чăваш ÿнерĕн историйĕнче пысăк сас паллисемпе çырăнса юлнă Никита Сверчков ячĕпе хисепленнине кашниех пĕлмест те пулĕ. Маçтăрăн пултарулăх эткерĕнче чăваш халăхĕн кун-çулне çутатакан ĕçĕ те сахал мар.
Чăвашла верси
Русская версия
