Архив - 7 Мая, 2015 - Тантăш

«Иртнĕ çулсем куç умĕнчех...»

Кивĕ сăнÿкерчĕк пуянлăхĕ

Дима призер тата Саша ĕмĕчĕ

Туслăх хĕлхемĕ

Березовка – вăрçă çулĕсенче

Мухтава тивĕçлисем те, тăшмансем те хамăр хушăрах...

Нумай пулмасть Çĕньял шкулĕн вĕренекенĕсем ун патне хăнана пырса кайрĕç. Сăвăсем каларĕç, юрăпа савăнтарчĕç.

«Çырнисенчен нимĕн те сăн- ÿкерчĕк тĕрĕслĕхĕпе танлашаймĕ», - тенĕ французсен философĕ Ролан Барт. Çак сăмахсен чăнлăхне паян кашниех туять пуль. Калав-юмах вуланă чухне те, истори кĕнекине тытсан та эпир тÿрех ÿкерчĕкне шыратпăр вĕт. Çаплах пирĕн асатте-асаннесен вăхăтĕнчи е унран та маларах тунă сăнÿкерчĕксем те питĕ нумай каласа параяççĕ.

Республикăн «Шкул тулашĕнчи ĕçсен «Эткер» центрĕнче», Шупашкарта, Раççейри Литература çулталăкне халалланă «Симĕс планета - 2015» Пĕтĕм тĕнчери ача-пăча экологи форумĕн республика тапхăрĕ иртрĕ. Унта республикăри пур муниципалитетран 1164 ытла ĕç килсе çитнĕ. Мăн Этмен шкулĕнче 9-мĕш класра вĕренекен Дмитрий Шалтайкин та /ертÿçи - Т.В.Горбунова/ форума хутшăнчĕ, «Вăрман пурнăçĕ тата çынсен шăпи» номинацире иккĕмĕш вырăн йышăнчĕ. Дима Л.Н.Тверсков вăрманçăпа калаçса вăл хăйĕн пурнăçне çутçанталăка халаллани çинчен статья çырнă.

Вĕрентÿ институтĕнчи чĕлхе кафедри тăтăшах тĕрлĕ ăмăрту, конференци, фестиваль ирттерет. Нумай пулмасть «Туслăх хĕлхемĕ» фестиваль иртрĕ. Программăна чăваш тата вырăс шкулĕнче вĕренекенсем валли чăваш чĕлхи тата культурипе ирттерекен «Çăлтăрчăк» вăйă-конкурс, «Шевле-2015» ÿнер ăсталăхĕн ăмăртăвне кĕртнĕ.

- Çултан çул конкурс аталанса пырать тесе шутлатăп. Вĕренекенсене халăх культурипе, ăс-хакăлĕпе, шухăш-кăмăл пуянлăхĕпе тĕплĕнрех паллаштарас, тĕпчев ĕçне явăçтарас килет. Ара, пирĕн малашлăх çак хас-тар та пултаруллă ачасенче, - терĕ жюри членĕ - Анна Семеновна Егорова.

«Эпир, вăрçăччен çуралнисем, сакăрвунна кайрăмăр ĕнтĕ. Ачалăхăм та, çамрăклăхăм та тахçанах иртрĕç...

Тăван çĕршывăн Аслă вăрçи пуçланнă вăхăтра эпĕ пиллĕк-реччĕ. Анчах 1941 çулхи июнĕн 22-мĕшĕ, Гитлер Совет Союзне тапăннă хăрушă кун, яланлăхах асăмра çырăнчĕ.

«Çапăçура пулмасăр пурнăç хакне чухлаймăн», - тенĕ ваттисем. Тен, чăннипех те, çапла. Сăмахăм вăрçăри çапăçу пирки кăна пымасть. Кулленхи ырăпа усал кĕрешĕвĕнче те вĕçĕмсĕр суйлав тума тивет-çке-ха. Хури е шурри енче-ха эпир. Мĕн е кам хĕтĕртет пире пĕрешкел лару-тăрурах тĕрлĕрен хăтланма.