Архив - Çамрăксен хаçачĕ

Вăрçă... Çак сăмах пĕлтерĕшне ытла та ир ăнланма тивнĕ 1941-1945 çулсенче шкул сукмакне такăрлатнă ачасен. Кашнин тенĕ пекех ашшĕ, пиччĕшĕсем, куккăшĕ-йыснăшĕ Гитлер эшкерĕпе çапăçнă. Хăйсем выçăллă-тутăллă пурăннă, колхоз хирĕнче аслисен ĕçне кÿлĕннĕ.

«Кÿршĕ тăванран çывăхрах», - тетчĕ анне. Çапла. Кÿршĕ пулăшмасăр çурхи, кĕрхи ĕçсене вăхăтра туса çитерейместĕмĕр. Пĕччен утă çулса типĕтесси те чĕр нуша. Веркка кÿршĕпе пĕр кашăкран çименни кăначчĕ. Вĕсен нÿхрепĕнче мĕн пуррине, пăчки-мăлатукĕ ăçта упраннине те пĕлеттĕм. Кÿршĕсемпе савăнса пурăнаттăмăр. Пĕр уява та вĕсемсĕр ирттерместĕмĕр... Пурнăç çулĕ пăрăнăç. Паян Верккана чÿречерен курсан урама ура ярса пусма шикленетĕп. Туххăмрах çухăрашма пуçлать. Хам та чăтса тăмастăп, хĕрĕме кÿрентерме памастăп. Ара, пирĕн Иринăпа унăн Володи мăшăрлă пулмаллаччĕ те. Йĕркипе пуçлам-ха.

Пирĕн çĕршывра кăларакан кинофильмсем килĕшме пуçларĕç. Канмалли кунсенче кăтартаканнисене пăхма уйрăмах кăмăллатăп. Вăхăтра ерçÿ тупаймасан вĕсене Интернет урлă куратăп. Чылайăшĕ Инди фильмĕсем пек пĕрешкел пулин те интереслĕ. Нумайăшĕнче Раççей актерĕсем инçетри хуларан е таçти шăтăкри ялтан Мускава телей тупма кайнă хĕрсен пурнăçне сăнлаççĕ. Пĕрисем чапа тухмашкăн, теприсем вĕренме кĕмешкĕн, виççĕмĕшĕсем укçаллă пулмашкăн çул тытаççĕ унта. Хăшĕ-пĕри таса юрату шырать, анчах унашкаллисен тавра хуйхă-суйхă ытларах явăннăн туйăнать.

Шыв хĕрринче хĕртĕнекен амăшĕ ачи çуккине 1 сехетрен çеç асăрханă.

Чăваш чĕлхине вĕренме Люксембургран килнĕ Томас - пирĕн хăна.

Çул çитмен ачана ют çĕршыва аслисемсĕр яма май пур-и?

Нумаях пулмасть ЧР Пуçлăхĕн тивĕçĕсене вăхăтлăх пурнăçлакан Михаил Игнатьев тĕрлĕ тытăмра çитĕнÿ тунă çамрăксене патшалăх премийĕ парса чысларĕ. Çак йышра И.Н.Ульянов ячĕллĕ ЧПУ студентки Арина Максимова та пур. Наградăна мĕншĕн тивĕçнĕ-ха вăл?

Форумсенче кăçалхи июль уйăхĕ хĕрÿ пуçланнине сÿтсе яваççĕ. Сăмах шăрăх çанталăк пирки маррине чухларăр пулĕ. Çуллахи иккĕмĕш уйăх пачах тепĕр май - сивĕрех кунсемпе пуçланчĕ-ха. Форумсенче çĕршыври чи çивĕч ыйтусенчен пĕрне - çул-йĕре пырса тивекен çĕнĕ саккунсене - сÿтсе явма тытăннă. Водительсемпе çуран çÿрекенсен тĕлĕшпе йышăннă çĕнĕ йĕркесем июлĕн 1-мĕшĕнчен вăя кĕнĕ.

Самар облаçĕнчи Мастрюково кÿллисен хĕрринчи «iВолга-2015» форум уçăлнине иртнĕ номерсенчен пĕринче çырнăччĕ.

Вăрмар районĕнчи Чĕкету ялĕнче кун кунлакан Надежда Сорокина пĕртен-пĕр ывăлне Эдуарда салтака ăсатнăранпа 21 çул хыçа юлнă. Çимĕк каçхине ывăлне алшăлли çакса, каялла тĕрĕс-тĕкел çаврăнса çиттĕр тесе пил парса ăсатнă чухне амăшĕ, чĕри уйрăлăва сиссе канăçсăррăн тапнă пулсан та, усала сисмен. Çÿллĕ те тĕреклĕ салтакăн киле чĕрĕ-сывă çаврăнса çитмеллеччĕ те... Чечня вăрçи мĕн чуль амăшĕн чĕрине куççульпе çăвăнтарчĕ. Малалла вулас...

Пĕр вăхăт сцена çинчен çухалнă Елена ОСМАНОВА юрăç халăх умне тепĕр хут тухсан чылайăшĕ вăл çĕнĕрен çĕкленесси пирки самай иккĕленчĕ. Унпа мана Александр Мингалев юрăç 25 çул каялла паллаштарнăччĕ. Пултарулăх çулĕпе пĕрле утма тивнипе Еленăн пурнăçĕпе интересленсех тăтăм.

«Эпĕ хамăн «Çамрăксен хулине» манмăп»... Çапла çыраççĕ социаллă сетьре Атăл леш енчи «Буревестник» кану базинче 5 кун иртнĕ мероприятие хутшăннисем. Кăçалхи «Çамрăксен хули» хăйĕн ытамне республикăри тĕрлĕ район-хуларан çеç мар, федерацин Атăлçи округĕнчи регионĕсенче пурăнакан 1300 çамрăка пухнă. Июнĕн 2-7-мĕшĕсенче иртнĕ форумра вĕсем çĕннине чылай пĕлнĕ.