Архив - Çамрăксен хаçачĕ

Каçарăр та, сирĕн пата каллех эпĕ çыратăп. Вулакансене кăна мар, редактора та тарăхтарса çитертĕм пулĕ. Чунран ыйтатăп: ан ятлăр мана. Ку ват супнă ăсран тайăлнă пулĕ тесе шухăшлатăр ĕнтĕ.

Лайăх ĕçе вырнаçмашкăн халĕ те çăмăлах мар, 15-20 çул каялла пушшех те йывăрччĕ. Уйрăмах эпир, ял çыннисем, ниçта кайса пуçа чикейместĕмĕр. Предприятисем хупăнатчĕç, шалу тÿлеместчĕç.

 Шел те, 80 çултан каçнă ватăсен ачалăхĕ те, çамрăклăхĕ те пулман, вĕсем урам варринчи ешĕл курăк çинче те чун каниччен выляйман, савнийĕсемпе те çĕрĕ-çĕрĕпе çăлтăр шутласа яш ĕмĕрпе киленсе йăпанайман. Тăван çĕршывăн Аслă вăрçи вĕсене аслисен йышне вăхăтсăр кĕртнĕ.

 Пирĕн республикăри ялсенчен чылайăшĕнче халăх валли ĕç вырăнĕ çукки - çивĕч ыйтусенчен пĕри. Тутар Республикинчи Хулаçырми ялĕ пĕчĕкех мар. Унта 1 пин ытла çын пурăнать. Хулаçырминче те ĕç вырăнĕ çук тесен те юрать. Агрофирма пур-ха, анчах унта пурте вырнаçаймаççĕ.

Июнь уйăхĕн 2-мĕшĕнче чи хастар та пултаруллă çамрăксем каллех Атăл леш енне пухăнчĕç. Кăçалхипе çиччĕмĕш хут иртекен «Çамрăксен хули» форума 2000 яхăн çын хутшăнать. Ултă çулта унта 10 çĕршыври, Раççейри 15 регионти 7000 яхăн çамрăк, 2000 ытла хăнапа эксперт пулса курнă.

ЧР Пуçлăхĕн стипендине тивĕçнĕ Ирина Лепешкина çуралнă тăрăхрах хăйĕн вырăнне тупма ĕмĕтленнĕ. Ял пурнăçне кăмăллаканскер Муркаш районĕнчи Мулкачкассинче пурăнать.

Хаклă вулакансем! Сирĕнтен канаш ыйтса çыратăп. Хамăр ялти якăлти хĕрарăмсемпе тертленсе çитнĕрен алла ручка тытрăм.

Ырă кун пултăр пурне те! «Çамрăксен хаçатне» чунран юратнипех хам та алла ручка тытрăм. Алла туя тытрăм пулсан та чун ватăлмасть. Çамрăксен çырăвĕсене вуласан хам вунсаккăрта пулни аса килет. Питĕ шухă каччăччĕ эпĕ. Вăйăра хĕрсен чĕрине аванах çунтараттăм. Купăс калама юрататтăм та - вăрăм çивĕтлĕскерсем ман умра акăш пек ярăнса ташлатчĕç. Темиçе хĕр те килĕшетчĕ. Шел, пĕрне çеç арăм тумалла. Нихăшне те кÿрентерес килместчĕ. Хăюллăраххи пуçа çавăрчĕ те... чутах куç хупса авлантаратчĕ. Чĕрене чи çывăххи вара сарă çÿçлĕ вăтанчăк Наçтаçчĕ.

...Айван пуçăма ниçта кайса чикме аптăранăран çыратăп. Пурнăçри чи пысăк йăнăш çинчен çынпа калаçса чĕрене лăплантарма намăсланатăп. Хаçата çырсан, тен, сĕнÿ паракан тупăнĕ?