Архив - Апр 2017 - Çамрăксен хаçачĕ

«Çын мĕн чухлĕ чăтма пултарать, Турă çавăн чухлĕ йывăрлăх парать теççĕ. Апла манăн пĕтĕмпех тÿссе ирттермелле пулнă», — терĕ Патăрьел районĕнчи Тури Тăрмăш ялĕнче кун кунлакан Светлана Сидорова. Вĕсем юратнă мăшăрĕпе вун пĕр ачана пурнăç парнеленĕ, сакăр ывăлпа виçĕ хĕре тĕрĕс-тĕкел çитĕнтерсе ура çине тăратнă. Анчах пурнăçра савăнмаллипе пĕрле хуйхăрмалли те тупăнать. Нуши-терчĕ телейпе юнашарах çÿрет-çке. Пĕр-пĕрне чунран савакан мăшăрăн та пурнăç урапи тикĕс кусман, çемьене инкек хыççăн инкек çапса хуçнă.

Шупашкар районĕнчи Сарапакассинче пурăнакан Николай Трофимов çамрăк чухне такси водителĕнче ĕçленине пĕлсен: «Сирĕнпе юнашар чылай хитре хĕр ларнă-тăр. Суйламалăх пулнă», — тесе шÿтлерĕмĕр. «Çапла. Анчах чунăм Ирăна суйларĕ. Ун чухне эпĕ 25 çултаччĕ. Авланма вăхăт çитнĕччĕ. Ира пурнăç çынни пулнине лайăх ăнлантăм. Вăл çакна кăмăлĕпе çеç мар, ĕçĕпе те çирĕплетрĕ», — хуравларĕ мăшăрĕпе Ираида Никифоровнăпа 46 çул килĕштерсе пурăнакан Николай Трофимович.

Туйра паллашнă

«Журналист» сăмаха илтсенех хавхалану çуралнă

«Çамрăксен хаçачĕ» - чунпа çамрăк çынсем валли

Мулкач тытнă ятпа уяв йĕркеленĕ

«Ывăлăм асапланнине курма питĕ йывăрччĕ»

«Уява чăвашсем йышлăн пухăнни вăй-хал паратчĕ»

«Аннене халĕ те каçарăттăм»

Метеоролог — Турă мар

Сурăх ĕрчетсе тупăш тăваççĕ

Шкултан вĕренсе тухакансене пĕр ыйту канăç памасть: ăçталла çул тытмалла? Хăш профессие суйламалла? Чун туртман ĕçре тăрăшаймастăн-çке-ха. ЧР Пуçлăхĕн стипендиачĕ Рифат Фаткуллин вара пулас профессие суйланă чухне пĕрре те иккĕленмен.

Сергей ПЕТРОВ, чăваш эстрада юрăçи:

— Хаçат-журнал, кĕнеке вулакан çын ăс-тăн пухма, çĕннине пĕлме тăрăшать. Хаçат-журнал — тус пекех, унта нумай ыйтăвăн хуравне тупатăн. Студент чухне кĕнеке вулама хушатчĕç, манăн килте пĕчĕк библиотека пур. Çырăнса илнĕ хаçат-журнала та эпир пухса пыраттăмăр, халĕ те çаплах тăватпăр. «Çамрăксен хаçачĕн» кашни номерне чăтăмсăррăн кĕтетĕп.

Сунар — чăн-чăн арçынсен кăсăкланăвĕ. Йăх-несĕлсен тĕп ĕçĕсенчен пĕри паянхи кунччен сыхланса юлнă. Пирĕн çĕршывра, ыттисемпе танлаштарсан, сунара çÿресси анлă сарăлнă. Чăваш Енре те чĕр чунсемпе кайăксене тытма кăмăллакан чылай. Пур сунарçă та сайра тĕл пулакан е паха тирлĕ тискер чĕр чуна тытма ĕмĕтленет тесе шухăшланăччĕ. Йăнăшнă иккен. Хĕрлĕ Чутай районĕнчи Упукушкăнь ялĕн каччи Алексей Трофимов кун пирки ĕмĕтленмест. 10 çултах алла сунар пăшалне тытнăскер çĕршывăн аякри кĕтесĕсене кайса экзотика чĕр чунĕсене тытма шухăшламасть. Тăван тăрăхрах аван ăна. Сунар уншăн тупăш тумалли ĕç мар, чун киленĕçĕ кăна.

Инкек пĕр кĕтмен çĕртен алăкран шаккать. Патăрьел районĕнчи Тури Тăрмăш ялĕнче пурăнакан Петровсен çемйине те вăл ăнсăртран килнĕ. Кил ăшшин управçин Элина Гавриловнăн нушине нумай тÿсме тивнĕ. Иртнине аса илсен унăн куçĕ шывланать..

Хальхинче «Чуна уçса калаçар» рубрика тĕпелне çывăх тусăма, уçă та черчен сасăллă чăваш юрăçине чĕнес терĕм. Паллашăр, Роза ДАНИЛОВА-КĔЛЧЕЧЕК. Вăл пурнăç çулĕпе «Атăл шывĕ катăлать, чун нихăçан та ватăлмасть» девиза тĕпе хурса пуç усмасăр, йывăрлăхсене парăнмасăр малалла утать.

Ферма котельнăйĕнче ĕçлекен ашшĕ пĕчĕк Катьăна пĕрмай пĕрле илсе çÿренĕ. Çав кун çемье пуçĕ килтен ир-ирех тухса кайнă. Ун чухне ялта пĕрисем сысна пуснă, Михаил вĕсене пулăшнă. Хĕрĕнкĕскере ентешĕсем котельнăйне кĕртсе вырттарнă, икĕ алăка та тултан питĕрнĕ.