Архив - 2017 - Хресчен сасси

Красноармейски районĕнчи Анатри Типçырма ялĕ айлăмра вырнаçнă. Кунта ватти-вĕтти пĕр-пĕрне аван пĕлеççĕ. Сверчковсен тĕлне ыйтсан тÿрех кăтартса ячĕç.

* Исетерккĕ «кулакĕсем»

* «Ашак пек ĕçлесе ĕмĕр иртрĕ»

* Тилĕ нумайланнă

Революци хыççăн нумай та вăхăт иртмен, Граждан вăрçи пуçланнă. Çĕршыв каллех йывăрлăха кĕрсе ÿкнĕ. Фабрикăпа заводсем ĕçлемен, хыснана налук сахал пуçтарăннă. Шуррисемпе çапăçма вара укçа нумай кирлĕ пулнă. Большевиксем çивĕч ыйтăва татса памашкăн налук ытларах сăптăрма тытăннă. Ялта тар кăларса ĕçлекен, лайăхрах пурăнакан çемьесене уйрăмах йывăр тивнĕ. Вĕсемшĕн налук /чрезвычайлă революци налукĕ. — Авт./ палăрмаллах ÿснĕ. Çил арманĕ тытакансене кулаксен шутне кĕртнĕ. Сăмах май, Исетерккĕ ялĕнче 7 çемьен çил арманĕ пулнă.

«Эпир ĕçлесчĕ тесех ĕçленĕ. Халĕ те ĕçлемесĕр пурăнаймастăп. Ун пек хăнăхман та… Ĕç пурнăçа тытса тăрать», — тет Красноармейскинче пурăнакан Зоя Аркадьева. Вăл Первомайски урамĕнче вырнаçнă çуртне ирхине пиллĕкре тухса каять те хваттерне каçхине кăна таврăнать. Сакăр теçетке çула хыçа хăварнă Зоя Аркадьевна килти хушма хуçалăхĕнче выльăх-чĕрлĕх тытать, пахча çимĕç ÿстерет.

Юлашки вăхăтра Чăваш Енре тилĕ йышĕ ÿсни куç кĕрет. Уйрăмах вĕсем республикăн кăнтăр районĕсенче алхасаççĕ. Патăрьел районĕнчи хăш-пĕр ялта «чее туссем» килти хушма хуçалăхсем патнех пынин, чăхсене йăкăртса кайни пирки те калаççĕ. Тискер чĕр чунсем çын куçĕ умне курăнма та хăрамаççĕ имĕш…

Ял хуçалăхĕнче техникăсăр пĕр ĕç те тăваймăн. Çур акипе вырма, ытти ĕçĕн шăпи ăна епле хĕл каçарнинчен, юсаса хатĕрленинчен нумай килет. Ку енĕпе ЧР Хăй тĕллĕн çÿрекен машинăсен тата техникăн ытти тĕсĕн юсавлăхне сăнаса тăракан патшалăх инспекцийĕ çулленех нумай мероприяти ирттерет. Унăн пуçлăхĕнчен — патшалăх тĕп инженер-инспекторĕнчен С.Ю.Вязовскирен çакăн пирки тĕплĕнрех каласа пама ыйтрăм.

«Икĕ алла — пĕр ĕç», — тенĕ те Лариса Федорова тĕп бухгалтертан фермера куçнă. Кăçал «Фермер ĕçне пуçăнакан» программăна хутшăнса патшалăх пулăшăвне тивĕçнĕ.

* «Пĕр кăмакана 200 савăт вырнаçатчĕ»

* Тăван тăваллах туртать

Уйра хăватлă техника йывăррăн кĕрлет. Çанталăк уяртнă пулин те лаптăкра çав-çавах йĕпе, путать. «Кунта çулла та йĕркеллĕ типмест. Пирĕн тăрăхра çĕр чаплах мар. Çумăр çусан анана кĕреймĕн, хĕвел пăхсан чул пек хытать», — ăнлантарчĕ Йĕпреç районĕнчи Пучинкери Валерий Антонов трактор çинчен аннă май.

Этем кун-çулĕ çемьерен пуçланать, хăйне çут тĕнче парнеленĕ çывăх çыннисен çуначĕ айĕнче тĕрекленсе вăй илет вăл, аслисен ырă йăли-йĕркине ă