Красноармейски районĕнчи Кĕçĕн Шетмĕри икĕ хутлă çĕнĕ çурт илемлĕн курăнса ларать. Кил хуçи Анатолий Игнатьев ăна кирпĕчрен мар, йывăçран хăпартнă. Пĕренесене аякранах турттарма тивни, хака ларни те хăратман. «Йывăç çуртра сывлама та çăмăл, хăтлă», — тет вăл. Капмарскерте тăватă ачана та ирĕклĕ. Газ, шыв… — хулари хăтлăх йăлтах çитнĕ кунта. Хуралтăсем вара — кирпĕчрен. Выльăх-чĕрлĕх йышлă усранă май унсăр май çук.
Етĕрнере пурăнакан хусах сасартăк юрату чирĕпе аптраса ÿкнĕ. 38 çулти хĕрарăма ирĕклĕн утма паман, вĕçĕмех çулăхнă. Анчах лешĕ хăйĕнчен вунă çула яхăн кĕçĕн çынран пăрăнма тăрăшнă. Çакă арçынна калама çук тарăхтарнă. Хайхискер ăна тавăрма тытăннă. Унăн Toyota RAV4 автомобильне юриех сиенлесе 350 пин тенкĕлĕх тăкак кăтартнă.
Анат Туçа ялне пырса кĕнĕ чух аслă çулăн икĕ айккипе ÿсекен çÿллĕ тирексене асăрхатăн. Вĕсене кам лартнă-ши?
Пархатарлă çак ĕçе пуçласа ертсе пынă çын паллă пахчаçă, сад ăсти Аркадий Кошкин пулнă. Аркадий Леонтьевич çуралнăранпа кăçал 106 çул çитрĕ.
Юлашки вăхăтра ял хуçалăх отрасльне патшалăх енчен пулăшасси вăйлансах пырать. Çакă çĕршывăн апат-çимĕç хăрушсăрлăхне тивĕçтерессипе те çыхăннă. Пулăшу ял хуçалăх отраслĕнче мĕнле палăрать-ха?
ЧР Сывлăх сыхлав министерстви ялсенче фельдшерпа акушер пункчĕсем тăвас ыйтăва тимлесех тăрать. Строительство ĕçĕсене вăхăтра тата пахалăхлă пурнăçласси уйрăмах пĕлтерĕшлĕ.
Халĕ республикăра 20 ФАП тума пуçланă. Икĕ обьект – Куславкка салинчи тата Патăрьел районĕнчи Çĕнĕ Ахпÿртри – Республика кунĕнче хута каймалла.
Çемье карапĕ çырана çапăнса аркансан вăтăр çулти хĕрарăм эрех-сăрапа вăхăта ирттерме тытăннă.
«Аттепе анне пирĕншĕн, вунă ачишĕн, тĕслĕх пулчĕç. Хăйсен ĕçченлĕхне, çынлăхне, тараватлăхне, урăхла каласан, мĕн пур ырă ене пире парнелерĕç», – тет Чурачăк /халĕ Çĕрпÿ\ районĕнчи Иккĕмĕш Вăрманкас ялĕнче çуралса ÿснĕ Петр Егоров.
Паян Пĕтĕм тĕнчери ачасене хÿтĕлемелли кунра республикăри районсемпе хуласенче вун-вун мероприяти иртет. Çакна шута илсе Шупашкарта суту-илÿ обĕекчĕсенче эрех-сăра сутма чарнă.
Аса илтерер: чарупа усă курма ЧР Министрсен Кабинечĕ 2012 çулта йышăннă постановленийĕ ирĕк парать. Общество апатланăвĕн тытăмĕнче ĕçлекен организацисемпе уйрăм пайтаçăсене ку чару пырса тивмест.
Хаçатăн иртнĕ номерĕнче («Хресчен сасси», 19 %) «Ферма сĕчĕ ăçта каять?» материал пичетленсе тухрĕ. Унта колхоз ферминчен сĕт вăрланине ял çыннисем пăшăрханса пĕлтернĕ. Çыру йĕрĕпе, лару-тăрупа тĕплĕрех паллашма Йĕпреç районĕнчи «Красный партизан» колхоза çитрĕмĕр.
Вăраха кайнă «чир»
СУРСКИЙ РУБЕЖСКИЙ
Чăвашла верси
Русская версия
