Архив - 2015 - Чăваш хĕрарăмĕ

Ĕçри телефон шăнкăртатрĕ. Çепĕç сасă малтанах чăрмантарнăшăн каçару ыйтрĕ, хăй кирлĕ вырăна лекнине ыйтса ĕненчĕ те мĕн çăмăлпа иккенне пĕлтерчĕ. 37 çула кайнăскер хаçат урлă хĕрсемпе туслашасшăн иккен.

- 25-33 çулсенчи хĕр-хĕрарăмпа паллашасчĕ. Ача пурри чăрмав мар. Ватă аннемпе пурăнатăп. Кил-çуртăмăр çирĕп, хăтлă, - терĕ Сантăр çепĕççĕн.

Калаçуран вăл эрех ĕçменни, чĕлĕм туртманни палăрчĕ.

- Хальччен çемьеленме май килмерĕ-и?

- Вăтанчăкрах-тăр, хĕрсене çавăнпах çавăраймарăм та, - çаплипех лăпкăн та сăпайлăн хуравлать авланас шутлăскер.

Пахалăхсăр апат-çимĕç те чир сăлтавĕ пулма пултарать. 3 стр.

Ял халăхĕнчен пуянраххи çук. 4 стр.

Сивĕ сăмах калас вырăнне кĕлĕ вуламалла. 5 стр.

Тăтăшах пăшăрханни сывлăха ан хавшаттăр тесен... 8 стр.

Купăста яшки йăлăхтарман-ха... 9 стр.

Раççей актриси Голливуда парăнтарнă. 11 стр.

Аттесĕр иртнĕ асаплă ачалăх. 12 стр.

Вячеслав ИЛЬИН, 49 çулта:

Çак эрнере Шуршăлти СССР летчик-космонавтăн А.Г.Николаевăн Мемориал комплексĕнче Николаев вулавĕсене пĕтĕмлетнĕ. Ăна Тăван çĕршывăн Аслă вăрçинче çĕнтернĕренпе 70 çул çитнине халалланă. Малтанах пĕтĕм республикăран пуçтарăннă шкул ачисене куçса çÿрекен "Космонавтсен пĕрремĕш отрячĕ" куравпа паллаштарнă.

Чăваш Ен Пуçлăхĕ Михаил Игнатьев ака уйăхĕн 8-10-мĕшĕсенче Беларуç Республикинче ĕçлĕ визитпа пулнă. Виçĕмкун Михаил Васильевич БР Президенчĕпе Александр Лукашенкопа тĕлпулнă. Тĕлпулура экономикăра килĕштерсе ĕçлессипе, культура çыхăнăвĕсене тĕреклетессипе çыхăннă ыйтусене сÿтсе явнă.

Юлашки вăхăтра какайпа сĕт, пыл тата выльăх-чĕрлĕх ытти продукцине апат-çимĕç хăрушсăрлăхне çирĕплетекен документсăр, санкцилемен вырăнсенче сутнă тĕслĕх нумайланнă. Асăннă çимĕçсене çынсем йĕркене пăссах урамра е пĕр-пĕр çурт картишĕнче, пахчаçимĕç сутма уйăрнă вырăнсенче алăранах сутаççĕ.

Ака уйăхĕн 7-мĕшĕ - Пĕтĕм тĕнчери сывлăх кунĕ. Кăçалхипе ăна утмăл пиллĕкмĕш хутчен паллă турăмăр. Раççейре харпăр хăй сывлăхне сыхлама чĕнсе каланă май «Сывă пулма вăхăт!» акци йĕркеленĕ. Пирĕн республика та унта хастар хутшăнать.

Республикăра спорта аталантарас тĕлĕшпе тĕрлĕ ĕç пурнăçлаççĕ. Юлашки вăхăтра кăна 60 яхăн спорт объектне хута ячĕç, çĕнетрĕç. ФСКсем, катоксем, футбол уйĕсем... тумашкăн федераци, республика тата муниципалитет бюджечĕсенчен 4,7 млрд тенкĕ тăкакланă. Кăçал патшалăх пулăшĕвĕпе усă курса Шупашкарта «Олимпийский» стадиона çĕнетесшĕн, Пăр керменĕн строительствине вĕçлесшĕн. Çавăн пекех маунтинбайк центрне туса пĕтерме, биатлон комплексне çĕклеме шантараççĕ. Республикăри спортпа физкультура объекчĕсен йышне çывăх вăхăтрах Çĕнĕ Кăнтăр районĕнчи ФСК пуянлатмалла.

Елчĕк районĕнчи «Победа» ОООра кăтартусем кашни çул ÿссе пыраççĕ. Хуçалăх тилхепине вунă çул ытла ĕнтĕ Н.Головин тытса пырать. «Чăваш хĕрарăмĕ» хаçатра хамăр патри чи ĕçчен те тăрăшуллă хĕрарăмсене асăнас килет. Килте те, ĕçре те ĕлкĕреççĕ, çемьери мĕнпур ыйтăва татса пыраççĕ, ачисене тивĕçлĕ воспитани параççĕ.

Муркашра пиллĕкмĕш çул ĕнтĕ «Çын сывлăхĕ - вĕлле хурчĕн çунаттисем çинче» ятпа пыл уявĕ ирттереççĕ. Сăпасра, çурлан 14-мĕшĕнче, сиплĕ çĕнĕ пыла тутанма, хĕл валли туянма таçтан та пуçтарăнаççĕ.