Архив - 26 Апр, 2017 - Хыпар

Шупашкар районĕнчи Урай Макаç ялĕнчи «Астăвăм» мемориал комплексне пыракансем малашне Астăвăм аллейи мĕнле ешернине курма, вăхăт иртнĕçемĕн вара унта ÿсекен чăрăш, туя, жасмин тата сирень айĕнче уçăлса çÿреме пултарĕç.

Çĕрпÿ районĕнчи Мамликассинче пурăнакан Ольга Васильева Смоленск облаçĕнчи тăванла масар çине çитсен пĕр савăннă, пĕр хурланнă.

ЧР Министрсен Кабинечĕн Председателĕн çумĕ — ял хуçалăх министрĕ Сергей Артамонов ака уйăхĕн 21-мĕшĕнче район администрацийĕсен пуçлăхĕсен çумĕсемпе, АПК организацийĕсемпе çыхăнса ĕçлекен пайĕсен ертÿçисемпе, хăш-пĕр ял тăрăхĕн пуçлăхĕсемпе хальччен усă курман ял хуçалăх пĕлтерĕшлĕ çĕре пусă çаврăнăшне кĕртессипе çыхăннă ыйтупа лару ирттерчĕ.

Иртнĕ эрнекун И.Н.Ульянов ячĕллĕ Чăваш патшалăх университетĕнче вакансисен ярмăркки иртнĕ.

Халăхăн Тăван çĕршывăн Аслă вăрçинчи паттăрлăхне асра тытса Патăрьел районĕнчи шкулсенче «Çĕнтерÿ Ялавĕ умĕнчи часавай» акци ирттерме палăртнă.

Çак тунтикун Сăкăт вăтам шкулĕн ялав йăтакансен взвочĕ Тутар Сăкăт шкулне Пĕтĕм Раççейри çарпа патриотизмăн «Юнармия» общество юхăмĕн вырăнти уйрăмĕн Çĕнтерÿ Ялавĕн копине çитернĕ. Ăна шкула илсе кĕнĕ вăхăтра «Священная война» юрă янăранă, Ялава панă вăхăтра — Раççей Федерацийĕн Гимнĕ.