Архив - Мар 2017 - Хыпар

Ĕнер Шупашкарти «ЭКСПО-КОНТУР» суту-илÿпе курав комплексĕнче Регионсен хушшинчи IX «Çĕрулми-2017» отрасль выставки уçăлчĕ. ФОТОРЕПОРТАЖ

Унта республикăра тата тулашра иккĕмĕш çăкăр тата унăн вăрлăхне туса илекенсем, ăна тĕпчесе çитĕнтерме, пухса кĕртме, упрама сĕнÿсем хатĕрлекен институтсен, çĕрулми лартмалли, пăхса ÿстермелли, хиртен кĕртмелли техника, минерал удобренийĕсемпе хими имçамĕ янтăлакан компанисен представителĕсем хутшăнчĕç. Иртнĕ çулсенче йĕркеленĕ куравсемпе танлаштарсан хальхинче хăйсен продукцине ытларах Чăваш Енрен пуçтарăннисем мар, Раççейĕн тĕрлĕ регионĕнчен килнисем кăтартрĕç. Çĕрулми туса илмелли машинăсемпе суту-илÿ тата курав комплексĕ умĕнчи лапамра паллашрĕç. Хуçалăхсен ертÿçисем вĕсене туянас ыйтăва трактор-машинăпа тивĕçтерекен дилерсемпе сÿтсе яврĕç.

Çĕрпÿ районĕнчи Йĕкĕрварсемшĕн çурхи пĕрремĕш кун хĕвеллĕ çанталăкпа кăна мар, вĕсем патĕнче Чăваш Республикин Пуçлăхĕ Михаил Игнатьев ĕçлĕ çÿревпе пулнипе те асра юлĕ.

Хурсем Рима çăлнă...

ЧР Сывлăх сыхлавĕн министерстви çĕнĕ проект — «Сывлăхăн общество университечĕ» — пурнăçа кĕртет.

Вĕренÿ курсне Раççейĕн тĕп акушер-гинекологĕ Лейла Адамян ирттерекен лекцисем евĕрлĕ йĕркелеме палăртнă. Унăн мероприятийĕсене кăмăл тăвакансенчен кашниех çÿреме пултарать. Тÿлевсĕр лекцисем çулталăк тăршшĕпех кашни уйăхра пĕрре шăматкунсерен иртеççĕ.

Чăваш Республикин Министрсен Кабинечĕн Председателĕ Иван Моторин Хула строительствин канашĕн ларăвне ирттерчĕ.

Иртнĕ ĕмĕрĕн 70-90-мĕш çулĕсенче, колхозсемпе совхозсем кĕрлесе тăнă вăхăтра, кашни пысăк ялти культура çуртĕнче тенĕ пекех хор пулнă. Вĕсене колхозниксемпе рабочисем, дояркăсемпе учительсем, çамрăксем хаваспах çÿренĕ. Самана улшăннă май вĕсенчен чылайăшĕ саланнă. Хорта юрлани паянхи çамрăкшăн пĕрре те интереслĕ мар. Фольклор ушкăнĕ те уншăн кăсăклăх çуратмасть. Çавăнпа вĕсене паян аслăраххисем кăна çÿреççĕ.

Айккинчен пăхсан кăна хулăн пек курăнать

Çуркунне çитнĕ май çăлавçăсен ĕç нумайланать: çанталăк ăшăтнăçемĕн пăр çÿхелсех пырать-çке, ун çине кĕни вара çыннăн сывлăхĕпе пурнăçĕшĕн хăрушлăх кăларса тăратать.

Роман Андреевич Чепунов 1934 çулхи пуш уйăхĕн 24-мĕшĕнче Тутар Республикинчи Элшел ялĕнче çуралнă. И.Я.Яковлев ячĕллĕ Чăваш патшалăх педагогика институтĕнче /халĕ педуниверситет/ пĕлÿ илнĕ. Чăваш Енри тĕрлĕ шкулта 40 çул ытла — учительте, завучра, директорта — ĕçленĕ. Чăваш патшалăх ял хуçалăх академийĕн «Приволжское» вĕренÿ хуçалăхĕн «Труженик сăл» хаçатăн редакторĕ пулнă.

Етĕрне районĕнчи шкулсенче нарăс уйăхĕнче «Ăслă пуç тата ылтăн алă» мастер-класс иртнĕ. Кашни шкултах вĕренекенсен ашшĕсем, аслашшĕ-кукашшĕ, пиччĕшĕсем ачасене хăйсем пĕлекен ĕç ăсталăхне алла илме хăнăхтарнă.

"Сусăрсем пурнăçăн кашни самантне хаклама пĕлеççĕ, тĕллевĕсене çĕнсе илессишĕн чăрмавсене пăхмасăр малалла ăнтăлаççĕ", — тенине илтнĕ кăна мар, хам та курса ĕненнĕ.

Çын хушшинче чун çирĕпленет

Республикăмăрта çулсеренех нарăс уйăхĕн иккĕмĕш çурринче Чăваш халăх поэтне Геннадий Айхине халалланă пултарулăх кунĕсене ирттересси йăлана кĕчĕ.