Архив - 24 Мар, 2017 - Хыпар

Ĕçлĕ çыхăнусем вăйланма пулăшаççĕ

Кун йĕркинче – бюджет, çураки

Усăллă пахчаçимĕç – хамăрăн теплицăсенче

Эпир мар тăк – никам та!

Левина çырлахтартăм-ши – ĕçрен кăларса ямарĕ

Савăннă ачасем автобусра чăвашла юрласа çула кĕскетнĕ

Ял – театра вăй-хал паракан çăлкуç

Патăрьел районĕнче çуралса ÿснĕ Александр Колосов матроспа Етĕрнери Сергей Трофимов тĕп старшинашăн, Çурçĕр флочĕн Кольски флотилийĕн йышĕнчи «Ядрин» çар карапĕнче контракт мелĕпе хĕсметре тăраканскерсемшĕн, кăçалхи пуш уйăхĕн 18-мĕшĕ нумайлăха асра юлĕ.

Министрсен Кабинечĕн Иван Моторин премьер ертсе пынипе юнкун иртнĕ ларăвĕ умĕн Финанс министерствин представителĕсем Правительство членĕсене... кроссворд валеçсе пачĕç. Çук, ларура пушă вăхăта усăллă ирттерччĕр тесе мар ĕнтĕ. Кроссворчĕ — бюджетпа çыхăннăскер. Ларăвăн кун йĕркине 2016 çулта республика бюджетне мĕнле пурнăçланине пĕтĕмлетессипе çыхăннă ыйтăва та кĕртнĕ те — финанс министрĕ Светлана Енилина çак ĕç уççăнлăхне тĕпе хунине палăртрĕ. Хайхи кроссворд та — çав уççăнлăхăн пĕр пайĕ.

"Раççей теплицисем" ассоциаци Раççей тата Чăваш Ен Ял хуçалăх министерствисем пулăшнипе пуш уйăхĕн 22-23-мĕшĕсенче Шупашкарта канашлу ирттерчĕ. Унта ютран илсе килекен пахчаçимĕçе хамăр патри теплицăсенче çитĕнтерекеннипе улăштарасси çинчен пычĕ сăмах.

Кăкăр тулли награда пулин те Юрий Григорьев вĕсем пирки сăмах ваклама юратмасть. Çине тăрса ыйтсан тин патшалăхăн темиçе награди пирки каларĕ. Чи малтан «Хăюлăхшăн» медале асăнчĕ: «Салтак награди. Ăна 1985 çулта тивĕçнĕ — Афганистаншăн». Унтан — Паттăрлăх орденĕ: 1995 çулта — Чечняшăн. Тепĕр Паттăрлăх орденĕ те пур — унпа 2001 çулта наградăланă. Чăваш Ен ШĔМĕн СОБР ветеранĕн аса илмелли нумаййине çак наградăсем те çирĕплетеççĕ.

«Хыпар» тĕпелĕнче паян — хресчен çемйинче çитĕнсе правительствăра карьера тунă, хĕвĕшÿллĕ 1991 çулта политикăпа экономика реформисем пуçлансанах унтан кайнă Петр МИТРОФАНОВ. Унпа калаçатпăр.

ГЭС — чĕререх

— Петр Митрофанович, эсир Чăваш АССР Министрсен Канашĕнче 23 çул ĕçленĕ. Унта мĕнле лекрĕр?

— Вырнаçма ĕмĕтленмен те — Министрсен Канашĕн Председателĕн промышленноçпа строительство енĕпе ĕçлекен çумĕ Петр Левин хăйĕн пÿлĕмне чĕнчĕ. Манпа çур сехет калаçсан пулăшуçинче ĕçлеме ыйтрĕ.

Пуш уйăхĕн 27-мĕшĕ — Пĕтĕм тĕнчери театр кунĕ. Республикăри профессионал ултă театрта ĕçлекенсем çеç мар, пĕтĕм халăх паллă тăвĕ ăна, мĕншĕн тесен эпир пурте куракансем.

Ĕмĕтсем çуратакан вырăн