Архив - Сен 2015 - Хыпар

Паян тулта ăшах мар. Хĕвелĕ те пăхать ĕнтĕ, анчах анăçран сулхăн çил вĕрет. Кĕркунне алкум вĕçнех çитсе тăни кашни утăмрах, кашни кĕтесрех палăрать авă. Йывăçсем çинче унта-кунта сарă çулçăсем курăнкалаççĕ. Пахчасем те пушансах пыраççĕ.

Паллашăр: Чăваш Республикин тава тивĕçлĕ учителĕ

Шупашкарта Раççей МЧСĕ 25 çул тултарнине халалланă хăйне евĕрлĕ фотокурав малалла тăсăлать. Нумай пулмасть вăл респуб-ликăри Наци библиотекине куçрĕ. Пуçласа унпа Шупашкарти 56-мĕшпе 23-мĕш шкулсенче тата медицина колледжĕнче вĕренекенсем паллашрĕç.

Андриян Николаев - космосра скафандрсăр ĕçленĕ пĕрремĕш космонавт, Совет Союзĕн икĕ хут Геройĕ, Авиацин генерал-майорĕ. Мухтавлă ентешĕмĕр çуралнăранпа кăçал 86 çул çитрĕ. Çавна май республикăра ăна халалласа чылай мероприяти иртрĕ.

«Тантăшăн» тимлĕ те хастар вулаканĕсем Александр Мясников ятне астăваççĕ-тĕр. Пĕлтĕр унăн калавĕсем хаçат страницисенче номертен номере кун çути курчĕç. Вырăсла çыракан авторăн хайлавĕсене Луиза Васильева журналист куçарнăччĕ. Федор Кузьмичăн, запасри аслă прапорщикăн, тата унăн Антун ятлă мăнукĕн путишле ĕçĕсене, тен, халĕ те астăватăр.

Кăçал Литература çулталăкĕ пулнине халалласа çĕршывра сахал мар мероприяти иртет. Раççей Почтипе ЭКСМО-АСТ издательство ушкăнĕ Раççей Кĕнеке Союзĕ пулăшнипе «Чи нумай вулакан шкул ачи» конкурс йĕркеленĕ. Унта пирĕн ентеш Евгения Михайлова пиллĕкмĕш вырăн йышăннă.

Чăвашсем - авалхи халăх. Йăли-йĕрки, сăмахлăхĕ паянхи куна çити упранса юлма пултарнă. Чăваш сăмахлăхĕ пуян та иксĕлми. Сăпка юрри юрлатпăр-и, юмах-халап калатпăр-и - хамăр чăваш иккенне палăртатпăр. Халăх хушшинче пулса иртекен пĕр пысăк ĕç те сăвă-юрăсăр, кĕлĕ сăмахĕсĕр, шÿтсĕр иртмен. Ватти çамрăккине вĕрентсе хăварма тăрăшнă. «Çемье пурнăçĕ тĕлĕшпе ваттисем каланă сăмаха чăваш халăхĕ ялан та хытă тытса тăнă…» - тенĕ-çке аслă педагогăмăр И.Я. Яковлев та. Ачасене халăх сăмахлăхĕн тĕслĕхĕсем урлă чăвашлăха туйма вĕрентнĕ.

Вăйăра, туйра, ĕçкĕ-çикĕре купăс каласа савăнтарнă, юрă-кĕвĕ шăрантарнă Мария ВОЛКОВА поэтессăн сасси тăванĕсен, ял-йыш асĕнче ĕмĕрлĕхех çырăнса юлнине Вăрмар районĕнчи Карăкçырми ялне çитсе курсан ăнлантăм.

Организма шлаксемпе наркăмăшсенчен тасатма, ытлашши шĕвеке кăларма, витаминсемпе, минералсемпе, клетчаткăпа пуянлатма çак тапхăрта уйрăмах аван. Ку тĕлĕшпе витаминлă шĕвексем витĕмлĕ пулăшаççĕ. Вĕсене кулленхи рациона кĕртме тăрăшмалла.

Иçĕмпе апельсин

Пысăк çыхă иçĕм çырлипе тасатнă вăтам апельсина блендера ярса çавăрттармалла. Шĕвеке ирхине ĕçмелле.

Иçĕм сĕткенĕнче чĕрепе юн тымарĕсен тытăмĕн ĕçĕшĕн усăллă кали тата нерв тытăмĕшĕн усăллă В ушкăнри витаминсем нумай.