Архив - Сен 2014 - Хыпар

Аса илтеретпĕр - авăн уйăхĕн 11-мĕшĕнче ЧР Пуçлăхĕ Михаил Игнатьев тата республика парламенчĕн ертÿçи Юрий Попов ертсе пынипе Чăваш Республикин делегацийĕ Пенза облаçĕнче пулнă. Унта ял хуçалăх отраслĕн объекчĕсен ĕçĕпе паллашнă.

Çĕр-шыври хушма тата вăхăт çитичченхи сасăлавĕнче «Пĕрлĕхлĕ Раççей» политика партийĕн кандидачĕсем пур округра та пысăк кăтартупа вырăнти влаç тытăмне суйланнă. Авăн уйăхĕн 14-мĕшĕнчи суйлавра республикăри виçĕ ял тăрăхĕн пуçлăхне палăртнă.

Авăн уйăхĕн 15-мĕшĕнче ЧР Пуçлăхĕ Михаил Игнатьев республика Правительствин членĕсемпе, федераци влаçĕн территори органĕсен тата хула округĕсен ертÿçисемпе канашлу ирттернĕ.

Кун йĕркине пăхса тухиччен Шупашкар хулинчи Петров урамĕнчи 9-мĕш çуртри инкеклĕ лару-тăрăва сÿтсе явнă.

"Мураты" - Вăрнар районĕнче малта пыракан хуçалăхсенчен пĕри. Кунта кашни самантпа тĕллевлĕн усă кураççĕ, палăртнине вăхăтра пурнăçлаççĕ. Çурла уйăхĕн 26-мĕшĕ тĕлне кĕрхи ĕçсене вĕçленĕ. 820 гектар çинчи тĕш тырра вырса-çапса пĕтернĕ. Кĕрхисене 300 гектар акса хăварнă.

Шуçлакра автотранспорт инкек тÿсме пултарать

ЧР Транспорт тата çул-йĕр хуçалăхĕн министерствин «Чăваш Ен çул-йĕр управленийĕ» хысна учрежденийĕ çурла уйăхĕн 12-мĕшĕнче «Чăваш Республикинчи регион тата муниципалитет пĕлтерĕшлĕ пурте усă куракан çулсене 2014-2015 çулсенчи хĕллехи тапхăра хатĕрлесси çинчен» хушу кăларнă. Унта пурнăçламалли тĕп мероприятисене палăртнă. Автоçулсене хĕлле йĕркеллĕ усă курма епле хатĕрленине тĕрĕслеме комисси туса хунă.

Авăн уйăхĕн 12-мĕшĕнче 19 сехет те 56 минутра Çăлав службине Шупашкар хулинчи Петров урамĕнчи 165 хваттерлĕ, 3 подъездлă 9-мĕш çуртра пурăнакансенчен сигнал çитнĕ. Вĕсем пĕр подъездри хваттерсен стенисем çурăлнине пĕлтернĕ.

Шупашкарсем форума тĕплĕн хатĕрленеççĕ

Вăйлисемпе хăюллисен 76-мĕш ăмăртăвĕ

Шăмат кун «Энергия» стадионта прессăн спорт фестивалĕ - «Советская Чувашия» хаçатăн парнисене çĕнсе илессишĕн çăмăл атлетика эстафети иртрĕ. Ăмăртăва спортпа туслисемпе сывă пурнăç йĕркине пăхăнакан 3000 ытла çын хутшăнчĕ.

Ашшĕ-амăшĕн хÿттисĕр юлнисен уявĕ

Аллăмра - тутарсен аслă поэчĕн, Совет Союзĕн Геройĕн Муса Джалилĕн фашистсен тыткăнĕнче çырнă сăвăсен "Моабит тетрачĕсем" ятлă пуххи. Кĕнеке чăвашла кун çути курнă.