Архив - Сен 2014 - Хыпар

Халăх медицининче хăмлапа тĕрлĕ чиртен хÿтĕленеççĕ тата сипленеççĕ.

Зюзник - питĕ сиплĕ ӳсен-тăран. Вăл таçта та ӳсет, чылай чухне эпир ăна сăнаса пăхмастпăр. Вĕлтрен евĕлĕрех курăнаканскерĕн ятне те пĕлсех каймастпăр пулĕ. Çав вăхăтрах ăна халăх сиплевçисем кăна мар, официаллă медицина та пысăка хурса хаклать. Тĕслĕхрен, Германире зюзник экстрактне аптекăра сутаççĕ.

Сырлан /облепиха/ çырли татма та вăхăт çитрĕ. Унран хĕл валли паха, сиплĕ сĕткен хатĕрлеме сĕнетпĕр.

Чи усăлли - çăра сĕткенĕ. Унра каротинпа клетчатка нумай. Вăл юна лайăхлатать, унри эритроцитсен шутне, гемоглобин шайне ÿстерет, вар-хырăм çулĕсен моторикине вăйлатать.

Сĕткен иммунитета çирĕплетекен, шыççа хирĕçле витĕмпе палăрса тăрать, япаласен ылмашăнăвне хăвăртлатать.

Кăçал чылай тăрăхра пан улми çав тери ăнса пулнă. Пахчаçăсем улмуççисем турачĕсене аран йăтса ларни пирки пĕлтереççĕ. Çак ырлăхпа туллин усă курса юлма тăрăшмалла. Сывлăхшăн питĕ паха уксус хатĕрлесен аван.

Килти меслет

Кĕркунне хамăр тăрăхра ÿстернĕ пахча çимĕçе тăраниччен çиме тăрăшмалла. Вĕсем йăран çинчех пулса çитеççĕ, çавăнпа чикĕ леш енчен илсе килнисенчен витаминсемпе тата минерал япалисемпе чылай пуянрах.

Пылак пăрăç

Украинăран тарса килнисем пирĕн пулăшăва, ыр кăмăллăхпа хăтлăха туйсах тăччăр

Чăваш тата Украина каччисен Андриян Николаевпа Павел Поповичăн уçлăхри пĕрлехи вĕçевĕ хыççăн икĕ халăхăн туслăхĕ татах çирĕпленнĕ. Ĕç коллективĕсем, уйрăм çынсем те пĕр-пĕрин патне хăнана çÿреме тытăннă.

Эпĕ хулара пурăнатăп, ялта çуралса ÿснĕ. Ял хуçалăх производствипе çыхăннă кашни ыйту маншăн çывăх. Ара, ял ĕçченĕ хула çыннин сĕтелĕ тулăх пултăр тесе ырми-канми тăрăшать-çке. Ку ыйту Чăваш Республикин Патшалăх Канашĕн иртнĕ сессийĕнче çивĕч çĕкленнине пĕлетĕп. Сăмах мĕн çинчен пынине «Хыпара» вулакансене тĕплĕнрех пĕлтереймĕр-ши? Ку ыттисемшĕн те кăсăклă пулĕ.

Алина ИСАКОВА.

Шупашкар хули.

Ĕнер Чăваш Ен Пуçлăхĕ Михаил Игнатьев химиксен хулинче пулнă. Савăнăçлă лару-тăрура нумай ачаллă Кирилловсемпе Аверкиевсен çемйисене Строительсен урамĕнчи çуртра вырнаçнă хваттерсен уççисене панă.

Авăн уйăхĕн 14-15-мĕшĕсенче Мускавра "Раççей регионĕсем" медиафорум ĕçлерĕ. Унта Мускаври тата регионсенчи информацин йышлă хатĕрĕсен репортерĕсем, çав шутра "Хыпар" журналисчĕ те хутшăнчĕç.

Халăхсен хушшинчи суту-илÿ центрĕнче пуçтарăннă политологсем, социологсем, РФ Патшалăх Думинче фракци йĕркеленĕ тата парламент партийĕ шутланман политика партийĕсен ертÿçисем Пĕрлехи суйлав кунне пĕтĕмлетрĕç.

Авăн уйăхĕн 15-мĕшĕнчен пуçласа юпан 24-мĕшĕччен Шупашкарта тăван тăрăха упрамалли кĕрхи мероприятисем иртĕç. Çакнашкал йышăнăва алă пуснă Шупашкар хула администрацийĕн пуçлăхĕ Алексей Ладыков.

Çÿлерех асăннă тапхăрта тĕп хулара 16000 йывăç-тĕм лартма палăртнă. Çав йышра - лăсăллă 1600 йывăç /чăрăш, туя, хыр/, 50 улмуççи, çулçăлли - 2850 /пилеш, çăка, хурăн, вĕрене, йăмра, тирек/. 11 тĕрлĕ тĕм ?барбарис, катăркас, спирея тата ытти те% савăнтарĕ хула çыннисене. Хула ертÿлĕхĕ кĕрхи ĕçсене ватти-вĕтти те хастар хутшăнасса шанать.

А.ГРОМОВА.