Паллă мар Салтак кунĕ тĕлне Республикăри ачасемпе çамрăксен вулавăшĕнче «Çамрăксен чĕринчи астăвăм» тĕлпулу иртрĕ. Унта И.Я. Яковлев ячĕллĕ Чăваш патшалăх педагогика университечĕн «Шырав» отрячĕн ĕçченĕсем Шупашкарти 40-мĕш шкулăн 8-мĕш класс вĕренекенĕсене хăйсен ĕçĕ-хĕлĕпе паллаштарчĕç.
Шупашкарти 47-мĕш шкулта кадет класĕсем пур. Унта лекнĕ ачасем питĕ хавхаланаççĕ. Ашшĕ-амăшĕ те савăнать. Эпĕ ертсе пыракан 6 «К» кадет класĕ тупа тунăранпа çулталăк çитнине паллă турĕ. Класс уявне ирттересси пирĕн шкулта йăлана кĕнĕ. Вăл икĕ пайран тăрать. Малтанхи кун çамрăк кадетсем уяв сĕтелĕ хатĕрлесе класра чей-сăйлав йĕркелеççĕ. Тепĕр кун вара ашшĕ-амăшне уяв маршĕпе утса савăнтараççĕ, физкультура учителĕпе пĕрле кĕрешÿ мелĕсене кăтартаççĕ, хаваслă концерт лартаççĕ. Пирĕн класс вĕренекенĕсем тантăшĕсене «Эпир кадет пулни — çулталăк» уява мĕнле паллă тунине каласа парас терĕç.
Иртнĕ эрнекун, раштав уйăхĕн 16-мĕшĕ, Раççей биатлонĕшĕн пысăк пулăмпа çырăнса юлчĕ. Чехири Нове-Место хулинче иртнĕ Тĕнче кубокĕн трансляцине ертсе пынă Дмитрий Губерниев та: «Чăваш Ен, эсир чĕрĕ-и? Ахăртнех, мачча таран сикетĕр!» — тесен биатлонистсемшĕн «чирлекен» чăвашсем чунран савăнчĕç пулĕ. Ара, пирĕн ентеш Татьяна Акимова спринтра пĕрремĕш вырăна тухса халăха тĕлĕнтерчĕ. Иртнĕ сезонра Пĕтĕм тĕнчери биатлонистсен пĕрлĕхĕ ăна «Çулталăкри çĕнĕ çын» тесе палăртнă. Тĕнче класлă спорт мастерĕ ку ята хальхи сезонра та çирĕплетрĕ, пьедестал çине тăрса чи пысăк наградăна тивĕçрĕ. Тепĕр кунхине Татьянăн пухмачĕ «бронзăпа» пуянланчĕ. «Ку эрне маншăн чи телейли пулчĕ», — савăнăçне пытармасăр калаçрĕ пирĕн ентеш «Матч ТВ» корреспонденчĕпе. Малалла вулас...
Çĕнĕ Шупашкарта пурăнакан Зинаида Киргизова Пĕрремĕш каналти “Мужское/Женское” кăларăма хутшăнса пысăк ыйту çĕклерĕ: амăшĕ, 22-ри Надежда Петрова, ачине Ярослава няньăпа хăварнă та хăй çухалнă: укçан пулăшмасть, килсе курăнмасть. Ку шăв-шав пирки эпир те çыртăмăр, кĕçех Надежда Петровăна амăшĕн правинчен хăтарас тĕлĕшпе суд пуласси пирки те пĕлтертĕмĕр. Малалла вулас...
Хăй вăхăтĕнче шăпа Сорокинсене çĕршывăн тĕрлĕ кĕтесне илсе çитернĕ. Владимир Юрьевичпа Людмила Ивановна Пермь крайĕнче, Ставропольте… пурăннă. Çемье пуçĕ Чечнян пĕрремĕш вăрçинче çапăçнă чухне мăшăрĕ икĕ ывăлĕпе Çурçĕр Осетири Моздок хулинче кун кунланă. Унччен Улатăрти юсанмалли колонире тăрăшнă хĕрарăм çар çыннине качча тухсан хĕсметре тăнă, кĕçĕн сержант звани таран çитнĕ. Пурăна киле мăшăр Элĕк районĕнчи Шураçа, Людмила Ивановнăн тăван ялне, куçса килнĕ. Çурт туяннă вĕсем. 12 çул каялла Свердловск облаçĕнчи тусĕ Владимир Юрьевича юбилей ячĕпе икĕ цесарка парнеленĕ. Унтан 3 мăшăр ăратлă кăвакарчăн илсе килнĕ. Ача чухнех çак кайăксене юратнă арçын вĕсене ĕрчетме тытăннă. Малалла вулас...
Çурта кĕрсен унта 89 çулти кинемей пурăнать тесе шухăшлама хĕнтерех. Ватă çын хуçалăхĕ пек мар: йăлтах тирпейлĕ, пĕтĕм япала хăй вырăнĕнче. Кашни чÿрече янахĕ çинче темиçе чÿлмек ларать, вĕсенче — хитре чечексем. Анчах пÿрте илем кÿрекеннисем – лартса ÿстернисем мар, çипрен çыхнисем. Çакăн пек маттур кинемей Комсомольски районĕнчи Тукай ялĕнче пурăнать. Вăл – Клавдия Такмакова. Малалла вулас...
Вера ЭВЕРККИ.
Автор сăнÿкерчĕкĕ.
Банкран укçа кивçен илекен тăван е çывăх юлташ поручитель пулма ыйтсан иккĕленетĕн: пысăк яваплăха хăвăн çине илмеллех-ши? Комсомольски районĕнчи «Заря» ял хуçалăх производство кооперативĕ банкран илнĕ кивçеншĕн хуçалăх ĕçченĕсем — 6 çын — хăйсен кĕсйинчен укçа тÿлеме тивессине пĕлмен. Вĕсене урăхла шантарнă: «Ан пăшăрханăр: йăлтах йĕркеллĕ пулать, сирĕнтен никам та 1 пус та ыйтмĕ. Йывăрлăхсем сиксе тухсан техникăна сутăпăр».
Канаш районĕнчи Сухайкассинче пурăнакан 57 çулти Николай Миронов çамрăк чухне алла йĕппе çип тытасса шухăшламан. Ара, çыхасси хĕрарăм ĕçĕ-çке-ха. Пĕр кунхине икĕ урасăр тăрса юлни унăн пурнăçне тĕпрен улăштарнă.
Çапла каланă курайман çынсем 20 шăпăрлана опекăна илнĕ Суворовсене
Çут тĕнчене «çĕнĕ кайăк» килсен тÿпере çăлтăр çуталать теççĕ. Вăл мĕнлерех ялкăшасси ашшĕпе амăшĕнчен килет. Пĕрисем вăйсăррăн çутатаççĕ, теприсем ырă та ăшă чунлă çынсем пулăшнипе çĕнĕ вăйпа ялкăшма пуçлаççĕ. Çемьере çитĕнекен ача кил вучахĕн ăшшине туять, хăйне шанма вĕренет, çывăх çыннисен юратăвне курса ÿсет. Шупашкарта пурăнакан Суворовсем хăйсен виçĕ тĕпренчĕкĕшĕн çеç мар, опекăна илнĕ 20 ачашăн та юратнă ашшĕпе амăшĕ пулса тăнă.
СУРСКИЙ РУБЕЖСКИЙ
Чăвашла верси
Русская версия
