Архив - Окт 2016

Хурлăх курмасăр ырлăх мĕнне пĕлме çук теççĕ. Тăвансенчен хăшĕ те пулин усал шыçăпа чирленине пĕр кĕтмен çĕртен пĕлсен пурнăç çине пачах урăхла куçпа пăхатăн. Ун чухне тĕнче сан çине йăтăнма пултарассăн туйăнать. Тухтăрсем усал шыçă приговор маррине ĕнентерме тăрăшаççĕ пулин те ку чир шиклентерет.

«Ашшĕсĕр ача — çур тăлăх, амăшĕсĕр ача — хăр тăлăх», — тенĕ ваттисем. Шел, хăш-пĕр шăпăрланăн çывăх çыннисем пур çĕртех çак ята илтме тивет. Ашшĕ-амăшĕ вĕсене тĕрĕс воспитани памасть е пачах пепки пурри çинчен манать. Паянхи кун Чăваш Енре 3158 тăлăх пурăнать. Вĕсен 95% тăван кил ăшшине урăх çемьере туйса ÿсет. Кун пирки эрнекун ЧР Правительствинче иртнĕ 2012-2017 çулсенче ачасен интересĕсене хÿтĕлесе пурнăçламалли Наци стратегийĕн ыйтăвĕсемпе ЧР Пуçлăхĕ çумĕнчи Координаци канашĕн черетлĕ ларăвĕнче пĕлтерчĕç.

Тĕлĕнмелле çынсем пурăнаççĕ пирĕн хушăра. Вĕсемпе паллашнă хыççăн чун савăнать, чĕрере шанчăк çуралать. Вĕсем таçти планетăран такамсем Чăваш çĕршывне килсе пирĕн пурнăçа улăштарасса кĕтмеççĕ, нимрен хăрамасăр, ÿркенмесĕр, чунри хавхаланупа чăвашлăх лавне туртаççĕ.

5-6 çул каялла Ехремкассинче пурăнакан Олег Михайлов шăллĕпе Алексейпа пĕрле Мускава шапаша кайнă. Кашнине 45-шер пин тенкĕ шалу тÿлеме шантарнă. Мĕн тĕлĕнмелли пур ĕнтĕ: вĕсене те, чылай çын пекех, шăнман пăр çине лартса янă. Иккĕшне 8-шар пин тенкĕ, çул укçине саплаштармалăх, тыттарса янă.

Асакасси ялĕнче пурăнакан Валентинăпа Виталий Кузьминсем икĕ хĕре кун çути парнеленĕ. Кил ăшшин управçин 2 пепке çуратнă хыççăн тепĕр хут амăшĕ пулас килнĕ, вăл арçын ача çинчен ĕмĕтленнĕ.

Пĕчĕк Карачура ялĕ вĕçне çитеспе редакци машини хăвăртлăхне чакарчĕ: умра ÇÇХПИ инспекторĕ тăрать. Ара, ку манекен вĕт! Эпир кăна мар, ытти иртен-çÿрен те автомобиле тăпах чарать иккен. Кунашкал юмах тĕнчине кĕрсе курмасăр никамăн та чун чăтаймĕ.

Канаш районĕнче Кайри Ăнтавăш ялĕнче 93 çулти вăрçă ветеранĕ Геннадий Фомин пурăнать. 18 çулта фронта тухса кайнăскерĕн терт-нушине сахал мар курма тивнĕ. Выльăхпа пĕр витере çывăрнине, пăр çинче хырăмпа вун-вун çухрăм шунине вăл асран нихăçан та кăлармасть.

Пирĕн корреспондент Интернетра савни шыранă

Ăмсану — лайăхах туйăм мар. Нумаях пулмасть тусăмăн вĕр çĕнĕ хваттерĕнче пулса курнă хыççăн чуна шĕкĕ евĕр кĕрсе вырнаçрĕ вăл. Савни тупнă тусăмăн пурнăçĕ улшăнчĕ: куçĕ телейпе çиçет, ĕçрен кашни каç савăнăçлă кăмăл-туйăмпа таврăнать. Çĕнĕ мăшăрĕпе пĕрле туяннă хваттере мĕн тери чаплă юсанă! Тÿрех паллă — ăста алăллă ĕçчен арçын унăн пулас упăшки. Кĕркунне пĕрлешме калаçса татăлнă вĕсем, çĕррине те, кĕпине те туяннă. Пĕрремĕш упăшки эрех ĕçсе, ниçта ĕçлемесĕр, кĕвĕçсе, сăтăр кăтартса тарăхтарсах çитернĕччĕ тусăма. Вăл чăтаймарĕ — уйрăлчĕ, икĕ ачине ашшĕ пулăшăвĕсĕрех ÿстерчĕ. Акă тинех хĕн-хур тÿссе пурăннă хĕрарăм тĕлне те йĕркеллĕ арçын тупăнчĕ. “Пĕлетĕн-и: холодильникре мĕн çуккине те хăйех курать, хваттерте мĕн юсамалли, пăта çапмалли пирки шарламастăп та”, — хальхи мăшăрĕн ырă енĕсене асăнса пĕтереймерĕ тусăм. Ара, пире, хĕрарăмсене, урăх мĕн кирлĕ? Ĕçлекен, çемьене тăрантаракан тата... сана вилсе каясла юратакан арçын пултăр. Ăçта тупнă тетĕр-и çавнашкал савни? Ăçта, ăçта? Интернетра.