И.Н.Ульянов ячĕллĕ ЧПУн историпе географи факультетĕнчен кăçал вĕренсе тухнă Дмитрий Степанов хăйĕн диплом ĕçне чăвашла çырса хатĕрленĕ, тăван чĕлхепех хÿтĕленĕ. Çак факультетра кунашкалли пĕрремĕш хут.
Çĕртме уйăхĕн 20-мĕшĕнче республикăри вăтам тата аслă пĕлÿ паракан учрежденисенче йышăну кампанийĕ пуçланчĕ. Чăваш Енре патшалăхăн 27 учрежденийĕ çамрăксене професси вăтам пĕлĕвĕ парать, коммерциллĕ 3 учреждени тата аслă шкулсен 2 филиалĕ ку енĕпе ĕçлет.
Иртнĕ эрнере ЧР Çамрăксен патшалăх премийĕн кăçалхи лауреачĕсене палăртрĕç. 1996 çултанпа ăна 108-ăн тивĕçнĕ. Тĕрлĕ тытăмра çитĕнÿ тунă хĕр-упраçпа яш-кĕрĕм хушшинче хальхинче студентсем те пур. Ырă кăмăллăх ĕçне хастар хутшăннăшăн 50 пин тенкĕлĕх хавхалантарăва тăватă çамрăк пайлĕ.
Ялта халĕ ĕç сахал. Çавăнпа килти хуçалăха вăйлăрах аталантарас тетпĕр. Хур усраса пăхас килет. Мĕнле пăхмалла-ши вĕсене.
В.АНТОНОВ,
Элĕк районĕ.
Çăка йывăçне халăх авалтанпах юратнă. Унран çурт-хуралтă хăпартнă, пушăт хатĕрлесе çăпата, курăс тунă, вĕрен-пăяв явнă... Юмана чăваш аттепе танлаштарнă пулсан çăкана - аннепе.
Ача ураланиччен сăпкара е амăшĕ çумĕнче мăшлатса çывăрни чи телейлĕ самант-тăр. Пепке «тяппа» туянсанах ашшĕ-амăшĕн канлĕх çухалать. Тĕнчене ăнкарса пыракан пурне те тишкерме хăтланать. Тепĕр чух шăпăрлана чарса е курса ĕлкĕрме те çук. Йĕри-таврари мĕн пур япалана сăнаканскер пур çĕре те капашать-çке.
Ыхрана хăçан кăлармаллине, кĕпçине хăçан татмаллине çырса кăтартсамăр, тархасшăн.
Иван Ерофеев. Патăрьел районĕ, Ишлĕ ялĕ.
Хура хурлăхан çырли аскорбин кислотипе, витаминпа, сахăрпа пуян. Цинга, юн, ревматизм чирĕсем чухне те хурлăхан çырли çиме сĕнеççĕ.
Вăраха кайнă тонзиллит, ангина, ларнингит, фарингит чухне шывпа хутăштарнă хурлăхан сĕткенĕпе (1:1) çăвара чÿхеççĕ.
СУРСКИЙ РУБЕЖСКИЙ
Чăвашла верси
Русская версия
